Թուրքիայի ժխտողական քաղաքականությունը դատապարտող ԱՄՆ Մասաչուսեթս նահանգի Քլարք համալսարանի թուրք հայտնի պատմաբան, դասախոս, պրոֆեսոր Թաներ Աքչամը իր ֆեյբուքյան էջում հայտնել է, որ ապրիլին լույս է տեսնելու իր գործընկերոջ՝ ԱՄՆ Քլարք համալսարանի թուրք դասախոս Ումիթ Քուրթի՝ Հայոց ցեղասպանության մասին գիրքը։
«Այնթափի հայերը. Ցեղասպանության էկոնոմիկան Օսմանյան մի վիլայեթում» վերնագրով գրքի հրապարակմամբ զբաղվել է Harvard University Press հրատարակչությունը։ Գիրքը հիմնված է Ումիթ Քուրթի դոկտորական աշխատանքի վրա, գրում է ermenihaber-ը։
Տեղեկացնենք, որ Ումիթ Քուրթը ցեղասպանության մասին մեկ այլ գրքի («Օրենքների ոգին. Հայոց ցեղասպանության հետքերը փնտրելով «Լքյալ գույքերի» մասին օրենքներում») համահեղինակն է։ Այդ գրքի մյուս համահեղինակը հենց Թաներ Աքչամն է։