Ինչպես փոխանցում է Rosbalt-ը, ռուսական իրավապահ մարմինները «սկզբունքորեն պատրաստ են» ժամանակավորապես Իսպանիային հանձնել հայտնի «օրենքով գող» Տարիել Օնիանիին (Տարո), որը 10 տարվա ազատազրկման ենթարկվել Ռւսաստանում: Ըստ կայքի՝ Օնիանիի հանձնումը կարող է տեղի ունենալ այն դեպքում, երբ իսպանական կողմն իր հերթին ընդառաջի ռուս իրավապահներին: Մասնավորապես խոսքը մեկ այլ «օրենքով գող» Զախարի Կալաշովի (Շաքրո-Մոլոդոյ) մասին է, ում իսպանական դատարանը 2010թ. հունիսին դատապարտել է 7,5 տարվա ազատազրկման: Ռուսաստանը ցանկանում է, որպեսզի Քալաշովին հանձնեն ռուսական արդարադատությանը, որտեղ նրա համար կան որոշակի «հարցեր»:
Կայքը հիշեցնում է, որ Տարիել Օնիանին (Լուլուխով) դատապարտվել է 10 տարվա ազատազարկման` մարդ առևանգելու համար:
Օնիանի արտահանձնման հարցը ՌԴ գլխավոր դատախազություն է ուղարկել իսպանացի դատավոր Ֆերնանդո Անդրեուն, ում վարույթում է գտնվում Իսպանիայում մեծ գումարների լվացման մի գործ: Այս նույն գործով իսպանացիները ռուսական կողմին խնդրել են, որ իրենց հանձնեն կազմակերպված հանցավոր խմբի ղեկավար Վլադիմիր Տյուրինին (Տյուրիկ), որին վերջերս ձերբակալել է ФСБ-ն: Եթե իսպանական դատարանն ապացուցի, որ Տյուրինը հանդիսանում է Ղազախստանի քաղաքացի, իսկ ռուսական անձնագիրը նա անօրինական է ստացել, ապա Ռուսաստանը Իսպանիային կհանձնի նաև Վլադիմիր Տյուրինին: