Շվեդիայում Եվրահանձնաժողովի պատվիրակության նախկին ղեկավար Քրիստիան Դանիելսոնը Եվրոպական խորհրդի նախագահ Շառլ Միշելի անձնական ներկայացուցիչ է նշանակվել Վրաստանում:
ԵԽ մամուլի ծառայությունից հաղորդել են, որ Դանիելսոնը, Վրաստանում քաղաքական երկխոսության վերսկսման գործընթացում, հանդես է գալու որպես միջնորդ:
Փետրվարին Վրաստանում ձերբակալվեց ընդդիմադիր «Միացյալ ազգային շարժում» կուսակցության ղեկավար Նիկա Մելիան: Նա մեղադրվում է 2019թ.-ի ամռանը Թբիլիսիում հակառուսական ցույցերի ժամանակ ազգային խորհրդարանի գրոհը կազմակերպելու մեջ: Դատավճռի ընդունումից հետո հրաժարական տվեց Վրաստանի վարչապետի պաշտոնը զբաղեցնող Գեորգի Գախարիան: Դրան զուգահեռ, վերջին շաբաթներին երկրում բողոքի ցույցեր են ընթանում ի պաշտպանություն Մելիայի և արտահերթ խորհրդարանական ընտրությունների անցկացման:
