Սիոնիստական ռեժիմը երբեմն հուսահատորեն մեծ պահանջներ է ներկայացնում Իրանի Իսլամական Հանրապետությանը, կարծես թե սպառնալով մեզ, մինչդեռ այդ ռեժիմը գիտի, իսկ եթե չգիտի, ապա պետք է իմանա, որ եթե նման սատանայական քայլ անի, մենք մոխիր կդարձնենք Թել Ավիվն ու Հայֆան»,- Խաթամիի խոսքերը մեջբերում է իրանական Tehran Times պարբերականը:
Իրանի պաշտպանության նախարարը հավելել է, որ «այսօր Իրանն ունի բոլոր միջոցները երկրում և տարածաշրջանում կայունությունը պահպանելու համար»:
Նրա խոսքով, այդ միջոցներից մեկը «դիմադրության առանցքն» է, որի կարևոր բաղադրիչը Սիրիայի, Լիբանանի և Իրաքի իրանամետ շիական խմբավորումներն են:
Խաթամին համապատասխան մեկնաբանությունն արել է ի պատասխան Իսրայելի պաշտպանության նախարար Բենի Գանցայի այն հայտարարությանը, որ Իրանում կան բազմաթիվ օբյեկտներ, որոնց ռմբակոծումը կնվազեցնի այաթոլայի ռեժիմի միջուկային ռումբ ստեղծելու հնարավորությունը:
