Սասեքսի դուքս Հարրին ամերիկացի հայտնի լրագրող Օփրա Ուինֆրիի հետ խոսեց մոր՝ արքայադուստր Դիանայի մասին։ Հարցազրույցն ամբողջությամբ կցուցադրվի մարտի 7-ին՝ CBS-ի եթերում: Այդ մասին հայտնում է «BBC»-ն:
Արքայազն Հարրին մտահոգված է, որ ժամանակին Ուելսի արքայադստեր հետ տեղի ունեցած պատմությունը այժմ իր հետ է կրկնվում:
Հարցազրույցի ընդհանուր հատվածներից մեկում Բրիտանական թագուհու թոռն ասել է, որ ուրախ է, որ կինը՝ Մեգան Մարքլը, իր կողքին է այս դժվարին ժամանակներում:
Դքսի խոսքով՝ ինքը չի կարող պատկերացնել, թե ինչերի միջով է անցել արքայադուստր Դիանան՝ 1996-ի օգոստոսին թողնելով թագավորական ընտանիքը ամուսնու՝ Ուելսի արքայազն Չարլզի հետ ամուսնալուծության պատճառով:
Հենց այդ ժամանակ նա հրաժարվեց իր թագավորական բարձր կոչումից:
Սասեքսի դուքսը խոստովանեց, որ մոր հեռանալը խոր հետք թողեց իրենց վրա:
«Երկուսիս համար էլ աներևակայելի դժվար էր, բայց գոնե մենք միասին էինք», – ասաց արքայազն Հարրին: