Ինչպես հայտնում է իսրայելական The Jerusalem Post թերթը` հղում անելով Al-Hayat լոնդոնյան թերթին, շուտով Wikileaks սկանդալային կայքը կհրապարակի նոր փաստաթղթեր: Թերթին հայտնի է դարձել, որ դրանք վերաբերելու են Ալ-Ղաիդային և Քրդստանի աշխատավորական կուսակցությանը: Այդ փաստաթղթերից մեկում ասվում է, որ Իրաքի մի շարք քաղաքացիներ, բնակվելով Թուրքիայի տարածքում, իրենց աջակցությունն են ցուցաբերել Ալ-Ղաիդայի անդամներին Իրաքում: Մասնավորապես, նրանք ահաբեկիչներին մատակարարել են զենք և զինամթերք, ինչպես նաև պայթուցիկեր սարքելու նյութեր:
Ըստ թերթի՝ մյուս փաստաթղթերում նշվում է, որ ԱՄՆ-ն բազմակողմանի աջակցություն է ցուցաբերել Քրդստանի աշխատավորական կուսակցությանը, որն արդեն 30 տասնամյակից ավելի արգելված է Թուրքիայի տարածքում: Այդ փաստաթղթերում անջատողական քրդերին անվանում են «ազատության մարտիներ և Թուրքիայի լիիրավ քաղաքացիներ», ինչպես նաև հաղորդվում է, թե ինչպես են ազատ արձակվել այդ կազմակերպության այն անդամները, որոնց պարբերաբար ձերբակալել են Իրաքում:
