Զինված ուժերը միշտ պետք է լինեն իշխող ուժի կողմից: Հակառակ դեպքում Զինված ուժերն անորակ են: Այս մասին «Առաջին լրատվական»-ի հետ զրույցում նշեց «Ձայն» նախաձեռնության հիմնադիր Արուսյակ Հայրապետյանը՝ անդրադառնալով վարչապետի և կառավարության հրաժարականի պահանջով ԶՈՒ ԳՇ հայտարարությանը:
«Պատմության մեջ օրինակներ կան, երբ որ Զինված ուժերը հեղափոխություն են արել, դա իրականում հանցագործություն է, և փառք Աստծո, որ մեզ մոտ դա տեղի չունեցավ: Երբ որ ԶՈւ-ն դառնում է իշխող ուժ, դա լավ բանի չի բերում, և ընդհանրապես բռնությունը լավ բանի չի բերում: Լավ արդյունք չի կարող լինել բռնությամբ կամ ապօրինի կերպով իշխանություն զավթելով:
Մենք Հոկտեմբերի 27 ենք ունեցել,Մարտի 1 ենք ունեցել, պետք է հասկանանք, որ բռնությամբ եկող իշխանությունից որևէ լավ բան չի կարելի ակնկալել մեր երկրի համար»,- նշեց Հայրապետյանը՝ հավելելով, որ իշխանությունը պետք է ընտրվի խաղաղ, օրինական ընտրություններով:
Մանրամասն՝ տեսանյութում: