«Լավագույն ֆիլմ» անվանակարգում Բեռլինի կինոփառատոնի «Ոսկե արջ» մրցանակը ստացել է ռումինացի ռեժիսոր Ռադու Ժուդեի «Անհաջող սեքս, կամ խենթ պոռնո» կինոնկարը:
2021 թվականին կորոնավիրուսային համավարակի պատճառով Բեռլինալեն անց է կացվում երկու փուլով, որոնցից առաջինը տեղի է ունենում առցանց:
Առաջին մրցանակները շնորհվել են Բեռլինի կինոփառատոնի ժյուրիի կողմից մարտի 4-ին: Ավելի վաղ քննադատների ֆավորիտ էր դարձել հարավկորեացի ռեժիսոր Հոնգ Սանգ Սուի «Նախաբան» – ը: