Հռոմի պապ Ֆրանցիսկոսը ուրբաթ օրը՝ մարտի 5-ին, ժամանել է Բաղդադ: Հայտնում է INA գործակալությունը:
Նշվում է, որ Իրաքի մայրաքաղաքի միջազգային օդանավակայանում հովվապետին դիմավորել է Իրաքի վարչապետ Մուստաֆա ալ-Կազեմին:
Հռոմի պապ Ֆրանցիսկոսը Հռոմեական կաթոլիկ եկեղեցու միակ ղեկավարն է, որ այցելել է Իրաք՝ Աբրահամ մարգարեի ծննդավայրը:
Մարտի 4-ի նախօրեին Պապը հայտարարեց, որ կժամանի Իրաքի պետություն «որպես խաղաղության և հույսի ուխտավոր»: Նա նաև մտադիր է երկար տարիներ տևած պատերազմից և ահաբեկչությունից հետո աղոթել Աստծուն՝ ներում և խաղաղություն հայցելով:
