«Պատերազմին հաջորդած շրջանում հայտնվել ենք ներքաղաքական ճգնաժամի մեջ, և իշխանությունը կարծես երկիրը պահում է ստագնացիայի մեջ: Տպավորություն է, որ ամենատաղանդավոր գաղափարներն անգամ շահառու չունեն: Այսօր որևէ խոսք փաստացի տեղ չի հասնում: Հայաստանի համար արտաքին հարաբերությունների համար ամենաբարդ ժամանակներից մեկն է, կորցրել ենք ինչպես սուբյեկտայնությունը, այնպես էլ իմիջը: Արտաքին քաղաքականությունը վերալիցքավորելու լուրջ խնդիր ունենք»,-«Առաջին Լրատվական»-ի հետ զրույցում ասաց արաբագետ Արաքս Փաշայանը:
Մեր զրուցակցի խոսքով՝ պետք է ուշի ուշով հետևենք աշխարհաքաղաքական գործընթացներին և միայն լուրջ վերլուծությունից հետո փորձենք հասկանալ մեր խնդիրները: Փաշայանը նաև կարծում է, որ Արևմուտքի հետ առճակատման պարագայում Ռուսաստանն էլ ավելի է խորացնելու հարաբերություններն Անկարայի հետ, ինչի մասին խոսում են նաև ռուս փարձագետները: «Սա լուրջ մտորելու տեղիք է տալիս նաև մեզ՝ հասկանալու համար, թե Ռուսաստանի համագործակցությունը հարևանության երկրների հետ ինչ մակարդակի կարող են հասնել: Ռուսաստան-Թուրքիա հարաբերությունները շատ կարևոր են մեզ համար՝ արտաքին հարաբերություններում մեր անելիքները հասկանալու համար»:
Առավել մանրամասն՝ տեսանյութում:
