Շինարարությունը նոր թափ է ստանում: Ֆիրդուսի հարցը դեռևս չլուծած՝ Կառավարությունը լծվել է Կոնդ թաղամասի վերակառուցման շինարարական խնդիրների լուծմանը: Կառավարությունը նախատեսում է այս թաղամասի մի հատվածը դարձնել Երևանի այցեքարտը: Թեմայի շուրջ «Առաջին լրատվական»-ի հետ զրույցում ճարտարապետ Տիգրան Գալստյանը տեղեկացրեց, որ մեկ շաբաթ առաջ կառավարությունում տեղի է ունեցել փոխվարչապետ Տիգրան Ավինյանի և ոլորտի պատասխանատուների հանդիպումը:
«Նախատեսվում է անցկացնել մրցույթ, որի շրջանակներում ճարտարապետները պետք է առաջարկեն նախագիծ, թե ինչպիսի թաղամաս են պատկերացնում այդ տարածքում:
Հանդիպման մասնակիցները մտավախություն ունեին, որ տնտեսական ճգնաժամի մեջ գտնվող երկրում սա կարող է նոր կառուցապատումով բյուջեն լրացնելու խնդիր առաջացնել:
Սովորաբար պատերազմի ռիսկայնություն ունեցող երկրներում ներդրումները գայթակղիչ չեն լինում: Կոնդում ներդրումներ անելը բավականին շահութաբեր կլինի: Հնարավոր է, որ ներդրումային գրավչության խնդիր է առաջացել և առաջարկում են այդ տարածքը: Բայց Կառավարության ներկայացուցիչների կողմից եղավ հավաստիացում, որ մրցույթ են հայտարարել իդեաներ հավաքելու համար:
80-կաններից սկսած՝ եղել է քաղաքաշինական ծրագիր այդ թաղամաը վերակենդանացնելու վերաբերյալ: նախատեսվում էր քաղաքի հին շենքերով հատվածը դարձնել արվեստագետների, ստեղծագործողների միջավայր, նաև զբոսաշրջային վայր»,- նշեց ճարտարապետը:
Մանրամասները՝ տեսանյութում: