Եվրասիական տնտեսական միության տարածքում 2021թ. հունվարին առավել շատ թանկացել է շաքարավազը, կարտոֆիլը և արևածաղկի ձեթը: Այս մասին «Ֆեյսբուք»-ի իր էջում գրել է Եվրասիական տնտեսական հանձնաժողովի նախագահի օգնական Իյա Մալկինան:
Մալկինան նշել է, որ շաքարավազը 2020թ. հունվարի համեմատ թանկացել է 56.9%-ով, կարտոֆիլը՝ 33.5%-ով, իսկ արևածաղկի ձեթը՝ 29.5%-ով:
«Ալկոհոլի, կաթի և աղի գներում էական փոփոխություն չի եղել, աճը կազմել է համապատասխանաբար 3.8%, 4% և 4.2%»,- նշել է Իյա Մալկինան:
ԵՏՀ նախագահի օգնականը նշել է, որ Հայաստանում լրջորեն թանկացել են կարտոֆիլն ու թարմ բանջարեղենը: Աճը կազմել է համապատասխանաբար 12.2% և 30.1%: