ՀՀ նախագահը որոշել է երկրորդ անգամ չստորագրել Օնիկ Գասպարյանին պաշտոնանկ անելու մասին վարչապետի առաջարկը: Միաժամանակ, առաջնորդվելով Սահմանադրության 169-րդ հոդվածի 1-ին մասի 4-րդ կետով, Հանրապետության նախագահն առանձին դիմումով դիմելու է Սահմանադրական դատարան «Զինվորական ծառայության և զինծառայողի կարգավիճակի մասին» 2017 թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:
Բազմաթիվ իրավաբաններ պնդում են, որ Օնիկ Գասպարյանն իրավունքի ուժով կազատվի պաշտոնից, և ԳՇ պետի լիազորությունները օրերս կդադարեն:
Թեմայի շուրջ «Առաջին լրատվական»-ի հետ զրույցում անդրադառնալով հարցին՝ արդեն կարելի՞ է ճգնաժամը լուծված համարել, թե՞ դեռևս պահպանվում է օդում կախված վտանգը, «Իրազեկ քաղաքացիների» միավորում ՀԿ ծրագրերի համակարգող Դանիել Իոաննիսյանը նշեց, որ վտանգը դեռևս կա. «Վտանգը միայն իրավական չէր և միայն Օնիկ Գասպարյանի՝ ԳՇ պաշտոնը զբաղեցնելով չէր պայմանավորված, մենք գլոբալ լուրջ խնդիրներ ունենք երկրում, և վտանգը գալիս է այդ խնդիրներից: Գլոբալ խնդիրն այն է, որ որոշ ուժեր ուզում են քաղաքացուց գողանալ իշխանություն ձևավորելու իրավունքը, որոշել, թե ով պետք է իրացնի իշանությունը»:
Անդրադառնալով դիտարկմանը, որ վարչապետը երեկ հանրահավաքում հայտարարեց, որ մարտահրավեր է նետում ընդդիմությանը՝ գնալու արտահերթ ընտրությունների՝ «Քաղաքաական երկխոսություն» կազմակերպության համահիմնադիր Արամայիս Ավետիսյանը կարծիք հայտնեց, որ վարչապետը արտահերթ ընտրությունների մասով թյուրըմբռնում ունի. «Վարչապետը արտահերթ ընտրությունների անհրաժեշտությունը պայմանավորում է ժողովրդի կողմից մերժված «17+ ի» ծավալած պայքարով, միաժամանակ չնկատելով, որ հասարակության մեջ իր հրաժարականի պահանջն օրակարգային չի դառնում»:
Ավետիսյանի դիտարկմամբ՝ ներքաղաքական իրավիճակը մնում է անկայուն. հանգուցալուծումը դեռևս պարզ չէ:
Մանրամասները՝ տեսանյութում:
