«Հայ աղջիկների առաջնորդությունը ֆուտբոլում» (GOALS) ՀԿ-ն ուրախ է հայտարարել Ասսարյան Աջակցության Նախաձեռնության մեկնարկի մասին։ Ծրագիրը, որը ֆինանսավորվում է մեր վաղեմի աջակիցներ դոկտոր Գարի և Լինդա Ասսարյանների կողմից, բազմաբնույթ է և նախատեսում է ֆուտբոլային լիգայի ստեղծում Արցախում, ամառային ճամբարների կազմակերպում, ինչպես նաև ֆուտբոլային այլ միջոցառումներ՝ պատերազմի հետևանքով տեղահանված և ներկայումս Երևանում և Հայաստան այլ մարզերում բնակվող արցախցի երեխաների համար։ Արցախում իրականացվող միջոցառումները
համաֆինանսավորում է Ավրորա մարդասիրական նախաձեռնության կողմից։
Ասսարյան Աջակցության Նախաձեռնությունը նպատակ ունի աջակցել պատերազմի
հետևանքով տուժած և հետտրավմատիկ սթրեսային խանգարումով (ՀՏԽՍ)
տառապող երեխաներին՝ ստեղծելով անվտանգ միջավայր, որտեղ երեխաները
շարունակում են ապրել բնականոն կյանքով, զարգացնել իրենց առաջնորդության
հմտությունները և աշխատել իրենց ֆիզիկական և մտավոր բարեկեցություն վրա:
«Առաջնային և կարևոր է, որ մենք աջակցենք պատերազմից տուժած մեր
երեխաներին՝ ստեղծելով ապահով միջավայր, որտեղ նրանք կարող են ֆիզիկապես
ակտիվ լինել, աշխատել իրենց հոգեկան առողջության վրա, սովորել առաջնորդության հմտություններ և պարզապես երեխա լինել:
Այսօրվա երեխաները վաղվա առաջնորդներն են, ուստի նրանց հոգեական և ֆիզիկական առողջությանը միտված այսօրվա մեր ջանքերն ու աշխատանքը, կորոշեն, թե ինչպիսի ապագա կունենան Արցախն ու Հայաստանը:
Եվ այս առումով յուրաքանչյուր երեխայի բարեկեցությունն ու սոցիալական ինտեգրումը կարևոր է»,- Թենի Ավակյան, GOALS- ի գործադիր տնօրեն:
Ծրագրի պաշտոնական բացումը Արցախում տեղի կունենա սույն թվականի մարտի
01-ին, ժամը 15.00-ին Ստեփանակերտի Ստեփան Շահումյանի անվան Հանրապետական մարզադաշտում։
2020թ․ Արցախյան պատերազմի ընթացքում, GOALS- ը պատերազմի հետևանքով տեղահանված և այդ պահին Երևանում գտնվող արցախցի երեխաների համար նախաձեռնեց ֆուտբոլային խաղեր և դասընթացներ։
Այս ընթացքում մենք համոզվեցինք, որ մեծ է երեխաների՝ իրենց շրջապատող բոլոր խնդիրներից կտրվելու և պարզապես երեխաներ լինելու անհրաժեշտությունը: Երբ պատերազմն ավարտվեց մենք հասկացանք, որ մեր աշխատանքի շարունակականության կարիքը կա:
Հետևաբար, Հայաստանի մարզերում սոցիալական ազդեցությամբ կանոնավոր
սպորտային ծրագրերին զուգահեռ, որոշեցինք լինել առաջնագծում `մեր ներդրումն ունենալու առկա հումանիտար ճգնաժամն հաղթահարելուն ուղղված ջանքերին:
Ասսարյան Աջակցության Նախաձեռնության նպատակներն են ՝ ստեղծել անվտանգ
միջավայր երեխաների համար, որպեսզի աշխատեն իրենց ֆիզիկական և մտավոր
բարեկեցության վրա, զարգացնել նրանց առաջնորդության հմտությունները, և
սպորտի միջոցով ապահովել երեխաների համար բնականոն կյանքով ապրելու
զգացողություն:
Մենք լավատես ենք, որ Նախաձեռնությունն իր ուղղակի և անուղղակի ազդեցությունը կունենա Արցախում և ողջ Հայաստանում բնակվող շուրջ 500-1000 երեխայի վրա:
Ասսարյան Աջակցության Նախաձեռնության երեք հիմնական ուղղություններն են՝
1. Տեղահանված արցախցի երեխաների համար միջոցառումների կազմակերպում
Երևանում։
-
Տեղահանված արցախցի երեխաների համար միջոցառումների կազմակերպում
Հայաստանի մարզերում։ - Արցախում ֆուտբոլի լիգայի ստեղծում՝ բաղկացած 5 երկսեռ թիմերից։
Միջոցառումներ Երևանում և մարզերում Ֆուտբոլային ակումբներ կկազմակերպվեն ներկայումս Երևանում և Հայաստանի մարզերում բնակվող՝ տեղահանված արցախցի երեխաների համար:
Նախատեսվում է ունենալ առնվազն մեկ ակումբ Երևանում և առնվազն չորսը մարզերում`10-ից 17 տարեկան երեխաների համար: Շաբաթական երկու անգամ կազմակերպվող այս դասընթացները նպատակ ունեն օգնելու հետտրավմատիկ սթրեսային խանգարումով (ՀՏԽՍ) տառապող և պատերազմի հետևանքով հոգեկան առողջության խնդիրներ ունեցող երեխաներին, զարգացնելու երեխաների առաջնորդության հմտությունները և շեշտադրելու գենդերային հավասարության և ներառականության կարևորությունը, և ստեղծելու անվտանգ միջավայր, որտեղ երեխաները ունեն բնականոն կյանքով ապրելու զգացում և ֆիզիկապես ակտիվ են:
Արցախի լիգի հիմնում
Այս ուղղության շրջանակներում նախատեսվում է ստեղծել 5 երկսեռ ֆուտբոլային
թիմեր Ստեփանակերտում, Նորագյուղում (Ասկերանի շրջան), Իվանյանում
(Ասկերանի շրջան) և Վանքում (Մարտակերտի շրջան): Յուրաքանչյուր թիմ
բաղկացած կլինի 10-ից 17 տարեկան առնվազն 12 խաղացողից:
Նրանք կունենան շաբաթական մարզումներ՝ հիմնված այնպիսի ուսումնական ծրագրի վրա, որը ներառում է պատերազմից տուժած և ՀՏԽՍ տառապող երեխաների կարիքները։
«Հայ աղջիկների առաջնորդությունը ֆուտբոլում» (GOALS) 2014թ-ից Հայաստանում գործունեություն ծավալող՝ շահույթ չհետապնդող հասարակական կազմակերպություն է։
Այն Հայաստանում միակ սպորտային կազմակերպությունն է, որը Հայաստանի գյուղական համայնքներում խթանում է գենդերային հավասարությունը սպորտի միջոցով՝ նպատակ ունենալով կանանց ֆուտբոլային լիգաներ ստեղծելով խթանել հայ աղջիկների առողջ ապրելակերպը և առաջնորդության հմտությունները:
GOALS-ի Փոփոխության տեսության հիմքում ընկած է սպորտը որպես հասարակություն վերափոխելու և դրա մասնակիցների հնարավորություններն ընդլայնելու միջոց օգտագործելը:
Փոփոխության տեսությունը կարելի է ամփոփել երեք հիմնական գործունեությամբ՝
1) Երիտասարդ աղջիկների համար սպորտով զբաղվելու անվտանգ միջավայրերի ստեղծում․
2) համայնքների կրթում և կարծրատիպերի վիճարկում՝ օգտագործելով սպորտը որպես սոցիալական
ազդեցություն․
3) տեղական հաստատությունների հետ ամուր գործընկերության
խթանում՝ մեր ծրագրերի և գործունեության համար կայուն հենք ապահովելու համար:
GOALS- ը տրամադրում է ենթակառուցվածքներ, մարզիչներ, սարքավորումներ և
անհրաժեշտ բոլոր ռեսուրսները Հայաստանի գյուղական համայնքներում աղջիկների ֆուտբոլի լիգաներ ստեղծելու համար: Ներկայումս ավելի քան 750 աղջիկ Հայաստանի 70 համայնքներից մասնակցում է կազմակերպության գործունեությանը:
