Instagram հավելվածը նոր գործառույթ ունի՝ Live Rooms-ը, որն օգտատերերին հնարավորություն կտա իրենց ուղիղ եթերին միացնել մինչև երեք հոգու, հաղորդվում է ընկերության կայքում:
«Այսօր մենք ներկայացնում ենք Live Rooms-ը՝ գործառույթ, որը ձեզ հնարավորություն կտա Instagram-ում ուղիղ հեռարձակում իրականացնել մինչև երեք մարդու մասնակցությամբ: Նախկինում ուղիղ հեռարձակում հնարավոր էր իրականացնել միայն մեկ մարդու հետ, բայց հիմա մենք թույլ կտանք «կրկնապատկել» ձեր ուղիղ եթերը»,- ասվում է հաղորդագրության մեջ:
Ընկերությունը նշում է նաև, որ այս գործառույթը բիզնես ստեղծելու և փող աշխատելու էլ ավելի շատ եղանակներ է առաջարկում: Live Rooms-ի օգնությամբ դիտողները կարող են օգտվել տարբեր ինտերակտիվ գործառույթներից, օրինակ՝ ուղիղ եթերում միջոցների գնումն ու հավաքումը:
Live Rooms գործառույթը շուտով հասանելի կլինի ամբողջ աշխարհում:
