Հիանալի է, որ մարդիկ հիմա գիտակցում են, որ տեղի ունեցող իրադարձություններում գոյություն ունի «ֆասադ», և նաև գոյություն ունեն «ստորջրյա պրոցեսներ», որոնք թերևս, տեսանելի և հասկանալի չեն շատ հաճախ: «Առաջին լրատվական»-ի հետ զրույցում այս մասին նշեց կրթության փորձագետ, «Քաղաքացու որոշում» ՍԴԿ ԳՄ անդամ Արեգ Թադևոսյանը:
«Այսօր այն, ինչը հանրային դիսկուրսում անվանում են քաղաքական գործընթացներ, իրականում գործընթացներ չեն. այսօր դավաճանության ու դասալքության մասին ամենաբարձրը գոռում են նրանք, ովքեր հենց իրենք են դավաճաններն ու դասալիքները: Նրանց դիմաց կանգնած են նրանք, ովքեր պայմանագրեր են կնքել ու ստորագրել և մյուսներին դավաճան ու դասալիք են համարում, և ժողովուրդն էլ պետք է ընտրություն կատարի այս կամ այն աննորմալության օգտին:
Հանրությունը ծանր պրեսինգի տակ է. մարդկանց ստիպում են ընտրություն կատարել «սևի և սպիտակի» միջև, և հնարավորություն չի տրվում կողմնորոշվել ինչ-որ երրորդ կողմի ուղղությամբ»,- նշեց Թադևոսյանը:
Մանրամասները՝ տեսանյութում:
