Մի քանի օր է՝ հասարակությունը հետևում է Սարգսյան-Փաշինյան բանավեճին․ նախագահն առարկում է, վարչապետը չի ընդունում։
Ո՞րն է լինելու սրա հանգուցալուծումը․ «Առաջին լրատվական»-ի հարցին վերլուծաբան Արեգ Քոչինյանը պատասխանեց․ «Այստեղ էական է այսօր տեղի ունեցած Անվտանգության խորհրդի նիստը և Անվտանգության խորհրդի անունից արված հայտարարությունը, որը մի փոքր ավելի բարձրացրեց այն ինստիտուցիոնալ ճգնաժամը, որը մենք այսօր ունենք։ Այս ինստիտուցիոնալ ճգնաժամն ունի Սահմանադրության այն խնդիրները, որոնք առկա են, և որոնց լուծելու համար այս երկուսուկես տարվա ընթացքում որևիցե գործողություն չի արվել։ Այդ ամեն ինչը հիմա բարձրաձայնվում է»։
Իսկ «Հանուն Հանրապետության» կուսակցության ղեկավար մարմնի անդամ Հայկ Այվազյանն ասաց․ «Ես այս իրավիճակում փոխզիջումը տեղին կհամարեի, եթե մենք ունենայինք նորմալ քաղաքական իրավիճակ։ Դերակատար ուժերից ոչ մեկը, այդ թվում նաև Էդմոն Մարուէյանի գլխավորած «Լուսավոր Հայաստան» կուսակցությունը, գոնե վերջին 3-5 տարիների ընթացքում ոչ մի հայկական պահվածք, ոչ մի գործողություն, որ կհուշեր, որ դրանցից որևիցե մեկն անհանգստացած է Հայաստանի երկարաժամկետ ապագայով, չի եղել»։
Մանրամասները՝ տեսանյութում։
