Իրանը իմաստ չի տեսնում բանակցությունների համար հանդիպել ԱՄՆ-ի և միջուկային գործարքում ներգրավված այլ երկրների հետ, քանի դեռ Միացյալ Նահանգները չի չեղարկել գործող պատժամիջոցները: Այս մասին հայտարարել է Իրանի ԱԳ նախարար Սաիդ Խաթիբզադեն, գրում է DPA-ն:
«Նախ, Միացյալ Նահանգները պետք է վերադառնա միջուկային համաձայնագրին և չեղարկի Իրանի նկատմամբ սահմանած անօրինական պատժամիջոցները: Դրա համար բանակցելու կարիք չկա: Մենք կվերադառնանք մեր պարտավորություններին՝ պատժամիջոցների չեղարկումից անմիջապես հետո»,- ասել է նա:
Նախարարը հավելել է, որ Իրանը հաշվի չի առնի ԱՄՆ-ի և եվրոպացի գործընկերների քննադատությունը, բայց կշարունակի համագործակցել վերջիններիս հետ:
ԱՄՆ նախագահ Ջո Բայդենի վարչակազմը հայտարարել է, որ իրենք «տարակուսած են» Թեհրանի արձագանքից, բայց պատրաստ են միջուկային գործարքին վերադառնալու շուրջ դիվանագիտական բանակցությունների: