Նիկոլ Փաշինյանը երևի մի օր կբացատրի, թե ինչ նկատի ուներ, երբ 2018-ին հայտարարում էր, որ «Մարտի 1»-ի գործն ամբողջությամբ բացահայտված է: Այս մասին «Առաջին լրատվական»-ի հետ զրույցում նշեց «Հանուն Հանրապետության» կուսակցության ղեկավար մարմնի անդամ Հայկ Այվազյանը:
«Չենք կարող ֆիքսել, որ գործը բացահայտված է գոնե ֆորմալ մասով, քանի որ բուն դատավարությունը նույնիսկ չի էլ սկսվել: Բայց ինչպես միշտ ժողովուրդն ամեն ինչ գիտի, բոլորը գիտեն՝ ինչ է կատարվել, սակայն պետությունն այնքան ուժեղ ու խոհեմ չի կարողանում գտնվել, որքան ժողովուրդն է և ֆիքսի այն փաստերը, որոնք եղել են, և առհասարակ այդ իրադարձություններն ինչի դեմ էին ուղղված: Այս պահին ես կարծում եմ՝ «մարտի 1»-ի միակ տերը մնացել է նորից ժողովուրդը: Հուսով պետք է լինենք և պահանջենք գործի ամբողջական բացահայտում»,-ասաց նա:
