«Մարտի 1»-ի գործը անընդհատ պտտվում է և այսպես ասած, ճահճացել է: Այս մասին «Առաջին լրատվական»-ի հետ զրույցում նշեց «Հանուն Հանրապետության» կուսակցության ղեկավար մարմնի անդամ Ռոբերտ Ղևոնդյանը:
«Կարող ենք ասել, որ գործընթացը տեղից չի շարժվում: Մի քանի օր առաջ հանդիպել ենք այդ գործով տուժողների պաշտպաններից Սեդա Սաֆարյանի հետ, ով ևս ասաց, որ գործընթացն, ըստ էության կանգնել է: Այն, ինչ տեղի ունեցած 13 տարի առաջ այս հրապարակում, դեռ շատ խութեր, բացահայտելու շատ կողմեր ունի, որոնք կարծես թե իշխանությունների կամքի բացակայությունը նշենք, թե գործընթացի մեջ ներգրավված դերակատարների որոշակի գործողությունները նշենք, միասին համախումբ կազմելով արգելակում են գործընթացը: Արդյունքում ունենք այն, ինչ ունենք, «Մարտի 1»-ը բացահայտված չէ»,-ասաց նա: