ՄԱԿ-ը դոնոր երկրներին հորդորել է 2021 թվականին Եմենում հումանիտար օգնության համար տրամադրել 3,85 միլիարդ դոլար: Ինչպես նշված է նրա մամուլի տեղեկագրում, որը մարտի 1-ին Ժնեւում հրապարակվել է միջոցների հանգանակության համար նախարարական մակարդակով խորհրդաժովի անցկացման առնչությամբ, տարվա ընթացքում ենթադրվում է աջակցություն ցույց տալ 16 միլիոն եմենցիների։
«Միջազգային դոնորները պետք է այժմ գործողություններ ձեռնարկեն Եմենում ընդգրկուն սովի կանխման համար»,- ընդգծել են համաշխարհային կազմակերպությունում: «Օգնություն ցույց տալու գործողությունների իրականացման համար ֆինանսական միջոցներն սպառվում են շատ արագ: Այսօր ՄԱԿ-ը հորդորում է այս տարվա համար տրամադրել 3,85 միլիարդ դոլար՝ 16 միլիոն սաստիկ կարիքավոր եմենցիներն օգնելու նպատակով»,- ասված է մամուլի տեղեկագրում:
Կազմակերպությունում հիշեցրել են, որ օգնությունն անհրաժեշտ է Եմենի բնակիչների երկու երրորդի «գոյատեւման համար»: Ըստ որում 50 հազար մարդ արդեն մատնված սովի, որն սպառնում Է մահվամբ: Երկրում մինչեւ հինգ տարեկան երեխաների գրեթե կեսը տառապում Է սուր թերասնումից, եւ նրանցից 400 հազարը կարող է մեռնել առանց շտապ բուժման: «Եմենում մարդկանց մեծ մասի համար կյանքն այժմ անտանելի է: Եմենում երեխաները գտնվում են առանձնապես դժոխային պայմաններում»,- խորհրդաժովի անցկացման առթիվ հայտարարել է ՄԱԿ-ի գլխավոր քարտուղար Անտոնիու Գուտերիշը:
«Պետերազմը կլանում է եմենցիների մի ամբողջ սերունդ: Մենք պետք Է վերջ դենենք դրան եւ սկսենք դրա վիթխարի հետեւանքերով զբաղվել անհապաղ»,- նշել Է նա: Եմենի համար միջոցների հանգանակության նախարարական մակարդակով համաժողովին, որը կազմակերպել են ՄԱԿ-ը, Շվեյցարիան եւ Շվեդիան, մարտի 1-ին կմասնակցի ավելի քան 100 երկիր: Եմենում հակամարտությունը շարունակվում է 2014 թվականի օգոստոսից: Ռազմական առճակատումը սաստկացել է 2015 թվականի մարտին Սաուդյան Արաբիայի գլխավորած կոալցիայի զորքերի՝ երկիր ներխուժելուց հետո: Շարունակվող պատերազմը հանգեցրել է աշխարհում խոշորագույն հումանիտար ճգնաժամի առաջացման։
