Իտալիայի առաջնության 24-րդ տուրի կենտրոնական խաղում այսօր «Ռոման» սեփական հարկի տակ կմրցի «Միլանի» հետ։ 23-րդ տուրից հետո «Ռոման» 44 միավորով 4-րդն է, իսկ «Միլանը»՝ 49 միավորով՝ 2-րդը։ Գործող չեմպիոն Թուրինի «Յուվենտուսը» 46 միավորով 3-րդն է, իսկ մրցաշարային աղյուսակը գլխավորում է Միլանի «Ինտերը», որն ունի 53 միավոր։ «Ռոմա»-«Միլան» մրցվեճը սկզբունքային լինելուց զատ կարևոր է նաև մրցաշարային առումով։ Հաղթանակի դեպքում Հռոմի թիմը կամրապնդի դիրքը լավագույն քառյակում։
Այսօրվա մրցավեճում բուքմեյքերները ավելի հավանական են համարում «Ռոմայի» հաղթանակը։ Հանդիպման նման ելքի համար սահմանված է 2․35 գործակից։ Ոչ-ոքին գնահատված է 3․56, իսկ «Միլանի» հաղթանակը՝ 3․15 գործակցով։ Նախորդ տուրում «Ռոման» մրցակցի հարկի տակ ոչ-ոքի 0։0 էր խաղացել «Բենվենետոյի» հետ կորցնելով կարևոր երկու միավոր։ «Միլանը» իր հերթին ձախողողվել էր «Ինտերի» հետ դերբիում զիջելով 0։3 հաշվով։ Ինչևէ, այսօրվա հանդիպումը ուշագրավ է նաև թիմերի առաջատարների դիմակայության առումով։ Մասնավորապես, երկրպագուները ականատեսը կլինեն նախկինում խաղընկերներ Հենրիխ Մխիթարյան-Զլատան Իբրահիմովիչ պայքարի։ Վերջին շրջանում Մխիթարյանը ստանձնել է «Ռոմայի» առաջատարի դիրքը, իսկ ահա «Միլանում»՝ դոմինանտը Իբրահիմովիչն է։ Ըստ կանխատեսումների «Ռոման» այսօր կխաղա 3-4-2-1 խաղային դասավորությամբ։
Հայաստանի ազգային հավաքականի ավագը կլինի կիսապաշտպանության ձախ եզրում։ Սպասվում է, որ աջ եզրում այսօր կլինի Էլ Շարավին, որը վերջին երեք հանդիպումներում դուրս է եկել փոխարինման։ Հարձակման կրակագձում կտեսնենք Մայորալին։
«Ռոմայի» հարձակման գծի առաջատար Էդին Ջեկան վնասվածքի պատճառով չի մասնակցի այսօրա մրցավեճին։ Վերջին մրցավեճում «Ռոմայի» գլխավոր մարզիչ Պաուլու Ֆոնսեկան Մխիթարյանին ընդամենը 14 րոպե խաղաժամանակ էր տրամադրել։ Հիշեցնենք, որ Եվրոպա լիգայի 1/16-րդ եզրափակչի պատասխան խաղում «Ռոման» փետրվարի 26-ին սեփական հարկի 3։1 հաշվով առավելության էր հասել պորտուգալական «Բրագայի» նկատմամբ։ Առաջին խաղում «Ռոման» առավելության էր հասել 2։0 հաշվով գործնականում ապահովելով մասնակցությունը 1/8-րդ եզրափակչում։
Ուստի «Միլանի» հետ կարևորագույն հանդիպմանն ընդառաջ Ֆոնսեկան Մխիթարյանին հանգստանալու հնարավորություն էր տվել։ «Միլան»-«Ռոմա» հանդիպումը կսկսվի Երևանի ժամանակով 23։45-ին։
