Գիտնականների միջազգային խումբը կանխատեսել է, կլիմայի ազդեցությամբ պայմանավորված, Հյուսիսային Սառուցյալ օվկիանոսի վիճակի փոփոխություն, համաձայն որի՝ այն կդադարի սառչել 2055 թվականի սեպտեմբերին: Այս մասին խոսել է Աշխատանքի հեղինակներից Ստանիսլավ Մարտյանովը՝ Ռուսաստանի գիտությունների ակադեմիայի Պ.Պ. Շիրշովի օվկիանոսագիտության ինստիտուտի օվկիանոսային կենսաքիմիական ցիկլերի մոդելավորման լաբորատորիայի հետազոտող:
Նրա խոսքով ՝ հետազոտողները մոդելավորել են Հյուսիսային Սառուցյալ օվկիանոսի էկոհամակարգի վրա ջերմոցային գազերի մակարդակի բարձրացման տարբեր սցենարների հետևանքները: Դրանք հաշվի են առել ջրի ջերմաստիճանի և աղիության փոփոխությունները, ինչպես նաև սառույցի ծածկույթի տարածքի նվազումը: Հաշվարկները ցույց են տվել, որ 35 տարի անց Հյուսիսային Սառուցյալ օվկիանոսը կհասնի «սեպտեմբերին առանց սառույցի» վիճակի:
«21-րդ դարի ավարտին, երբ օվկիանոսը լիովին ազատ կլինի սառույցից, առանց սառույցի ժամանակահատվածը աստիճանաբար կերկարի և 2100-ին կհասնի չորս ամսվա՝ հուլիսի կեսերից մինչև նոյեմբերի կեսը», – հավելել է գիտնականը:
