Thursday, 22 04 2021
Հակագազով ցուցմունք կորզելու գործով դատավորի անաչառության հետ կապված կասկած կա
ԱՄՆ-ում հատուցման հայցեր ներկայացնելու հնարավորություն կտա գործադիրի կողմից Ցեղասպանության ճանաչումը
Չպատժվելը ոճրագործին մղում է նոր հանցանքի. Արցախի ԱԺ հայտարարությունը՝ Ցեղասպանության տարելիցի առթիվ
Ամենայն Հայոց Կաթողիկոսն ընդունել է Լիբանանի երիտասարդության և սպորտի նախարարին
Ռուսաստանի ՌԾՆ-ի նավերը Ղրիմի շրջանում ծով են դուրս եկել միջտեսակային վարժանքների համար
Կառավարության կողմից ճնշում է իրականացվում իրավապահ մարմինների նկատմամբ. Արտակ Թովմասյան
Մաուգլիի շակալների նման առիթ են ման գալիս. սյունեցու կողքին չեք, խուժանի կողքին եք. Հրաչյա Հակոբյանը՝ ՀՓՇ-ին
Հերոսների վերականգնողական քաղաք է հիմնվում
16 բերման ենթարկվածներից բոլորին ձերբակալելու որոշում կա․ ԲՀԿ
4 տարի հետո ռուսական զորքերը միջազգային խաղաղապահներով փոխարինելու հարց կառաջանա
ԵԽԽՎ մշտադիտարկման կոմիտեի հայտարարությունը
ՔԿ-ն անդրադարձել է Մեղրիի քաղաքապետին ձերբակալելու մասին լուրին
16:20
Ֆոնսեկան՝ Մխիթարյանի մասին
ՀՀ կառավարությունն արցախցիների կոմունալ վճարների փոխհատուցման համար կհատկացնի 4 մլրդ 67 մլն դրամ
ԵԽԽՎ փաստաթուղթը իրավական առումով խիստ սահմանափակ նշանակություն ունի, քանի որ չունի պարտադրանքի ուժ
15:50
Հաջողությունը գործոնները կառավարելու և վերահսկելու ունակությունն է. Ամերիաբանկի խորհրդի անկախ անդամ Ֆիլիպ Լինչ
Մեղրիի քաղաքապետին ապօրինի ձերբակալում են․ իշխանության ռեպրեսիվ մեքենայի աշխատանքն է․ Վահե Հակոբյան
Բայդենի կողմից Հայոց ցեղասպանության հնարավոր ճանաչումը բացասաբար է ազդել թուրքական լիրայի վրա
Սպասվող ձեռքբերում․ Լա լիգայի 19-ամյա տաղանդը Հայաստանի ազգային հավաքականում
Բացահայտվել է սպանության փորձի դեպքը
Սյունիքի մարզն ամենաշատն է տուժել համավարակի ու պատերազմի կրկնակի հարվածներից
Սյունիքը դարձավ նախընտրական բախումների թատերաբեմ. տիկնիկավարը Մոսկվան է
15:04
ԱՄՆ Լոս Անջելես շրջանում ապրիլը հռչակվել է որպես հայկական պատմության ամիս
Ադրբեջանը կրակում է Արցախի ուղղությամբ՝ Ռուսաստանի վրա
Ցեղասպանության ճանաչմամբ ԱՄՆ-ը կվերահաստատի այս փոթորկալի ժամանակներում իր բարոյական առաջնորդությունը. ՀՀ ԱԳ նախարար
Այս ընտրությունները լինելու են ամենամրցակցայինը․ արդյունքներն անկանխատեսելի են
Հանուն Հանրապետության կուսակցությունը խստորեն դատապարտում է Սյունիքում տեղի ունեցած միջադեպերը
Արտահերթ ընտրություններին կարճ ժամանակում հաջորդելու են հերթական արտահերթ ընտրությունները
Այսօր սփյուռքի ջանքը պետք է ուղղվի մեկ այլ ճանաչման՝ Արցախի ինքնորոշման իրավունքի ուղղությամբ
Այս ընտրությունները, եթե կայանան, կնմանվեն 90թ․-ի ընտրություններին․ Բորիս Նավասարդյան

Գերեվարված անձանց թիվը շատ է. ՄԻՊ

Հայաստանի մարդու իրավունքների պաշտպան Արման Թաթոյանը հայտարարել է, որ Ադրբեջանում պահվող հայկական կողմի բոլոր զինծառայողները և քաղաքացիական անձինք կարգավիճակով գերիներ են:  Ինչպես տեղեկացրին ՀՀ ՄԻՊ գրասենյակից, Թաթոյանը հայտարարություն է արել՝ ի պատասխան փետրվարի 26-ին Ադրբեջանի նախագահի պնդումների: Ներկայացնում ենք ՄԻՊ հայտարարությունն ամբողջությամբ.

«Երեկ՝ 2021թ. փետրվարի 26-ին Ադրբեջանի նախագահը հայտարարել է. «Մենք հակաահաբեկչական միջոցառում իրականացրեցինք և արդյունքում 60-ից ավելի ահաբեկիչ ձերբակալվեց: Նրանց հիմա անվանում են ռազմագերի: Մենք կարծում ենք, որ դա հարցի աղավաղում է, որովհետև պատերազմի ավարտից 20 օր հետո ռազմագերի չի կարող լինել: Մենք բոլոր ռազմագերիներին վերադարձրել ենք: Մենք նրանց վերադարձրել ենք նախքան իրենք մեզ մեր գերիներին կվերադարձնեին: Իսկ այս մարդիկ ռազմագերի չեն, ահաբեկիչ են, դիվերսանտ են»:

  1. Հայաստանի մարդու իրավունքների պաշտպանը ևս մեկ անգամ վճռականորեն  արձանագրում է, որ Ադրբեջանում պահվող հայկական կողմի բոլոր զինծառայողները և քաղաքացիական անձինք կարգավիճակով գերիներ են:

Բոլոր զինծառայողներն Արցախում են գտնվել՝ իրենց սահմանադրական պարտականությունը կատարելու համար, նրանք Արցախում տարել են զինվորական իրավական ծառայություն:

  1. Մարդու իրավունքների պաշտպանի աշխատակազմի հավաքագրած հավաստի ապացույցները հաստատում են, որ գերեվարված անձանց թիվն ավելի շատ է, քան ադրբեջանական իշխանությունները հաստատել են: Դա վերաբերում է նաև մինչև մեկ խմբով թվով 44 գերիների վերադարձին:

Մարդու իրավունքների պաշտպանն արձանագրել է բազմաթիվ դեպքեր, երբ չնայած տեսանյութերով ու այլ ապացույցներով հաստատվող դեպքերին՝ ադրբեջանական իշխանության մարմինները մերժում են անձանց գտնվելու փաստն իրենց մոտ կամ ձգձգում են հաստատման գործընթացը:

  1. Ադրբեջանում պահվող հայկական կողմի գերիների նկատմամբ քրեական հետապնդման ընթացակարգեր նախաձեռնելը, նրանց կալանավորելն ու առավել ևս նրանց «ահաբեկիչներ» կամ «դիվերսանտներ» կոչելը միջազգային մարդասիրական իրավունքի ու առհասարակ մարդու իրավունքների միջազգային իրավունքի կոպիտ խախտումներ են:

Իրենց զինվորական իրավական ծառայությունն իրականացնելու համար նրանք չեն կարող որևէ տեսակի քրեական հետապնդման ենթարկվել կամ կալանավորվել՝ որպես պատիժ:

Այս պնդումը հատկապես բխում է 1949 թվականի Ժնևի երրորդ կոնվենցիայի պահանջներից:

Ադրբեջանական իշխանությունները նախ արհեստականորեն ձգձգում էին հայկական կողմի գերիների վերադարձը, իսկ այնուհետև սկսեցին նենգափոխել և չարաշահել իրավական գործընթացները և ուղիղ տեքստով հայտարարել, որ Ադրբեջանում պահվում են միայն «ահաբեկիչներն ու դիվերսանտները»:

Միջազգային մարդասիրական իրավունքն արգելում է նման վերաբերմունքը: Դա ակնհայտորեն պարունակում է պատերազմական հանցագործության հատկանիշներ:

Հայաստանի մարդու իրավունքների պաշտպանը նաև հարկ է համարում հատուկ ընդգծել, որ հետպատերազմական գործընթացում մարդու իրավունքների կամ մարդասիրական հարցերը, այդ թվում՝ գերիների ազատ արձակումն ու վերադարձը պետք է ապահովվի ռազմական գործողությունների դադարից անմիջապես հետո և դրանք պետք է զերծ պահվեն քաղաքական գործընթացներից:

Այս արգելքը գործում է ցանկացած պարագայում՝ միջազգային իրավունքում, անկախ կոնկրետ հակամարտությունների վերաբերող փաստաթղթերում ամրագրված լինելուց:

  1. Բացարձակ անընդունելի է Ադրբեջանի նախագահի այն հայտարարությունը, թե պատերազմի ավարտից 20 օր հետո ռազմագերի չի կարող լինել՝ այդպիսով գերիներին անվանելով «դիվերսանտ» կամ ահաբեկիչ կարող է լինել միայն:

Անթույլատրելի է նոյեմբերի 9-ի եռակողմ հայտարարությունը մեկնաբանել այնպես, իբր դրա գործողությունը տարածվում է միայն այդ հայտարարության ստորագրումից առաջ առկա իրավիճակի վրա:

Նախ, թե՛ նոյեմբերի 9-ի հայտարարությունից առաջ, թե՛ դրանից հետո ու հիմա էլ գործ ունենք ընթացող (չավարտված) զինված հակամարտության հետ. այս կանոնն ուղղակիորեն բխում է միջազգային մարդասիրական իրավունքի պահանջներից:

Դրանից բացի, Ադրբեջանի նախագահի հայտարարությունն ուղղակիորեն հակասում է նաև նոյեմբերի 9-ի եռակողմ հայտարարությունը ստորագրած կողմերի մտադրություններին ու այդ հայտարարության կիրառության պրակտիկային:

Մասնավորապես, այդ հայտարարության 8-րդ կետի պահանջի հիման վրա Հայաստանի Հանրապետությունն արդեն իսկ Ադրբեջանին է փոխանցել Արցախում հանցանքներ, այդ թվում՝ խաղաղ բնակիչների սպանություն կատարած և դատապարտված երկու անձի: Ադրբեջանը նույն սկզբունքով Հայաստանին է փոխանցել այդ երկրում ֆորմալ դատապարտված հայերի:

Հայաստանն ու Ադրբեջանը փոխանցել են նաև նոյեմբերի 9-ի եռակողմ հայտարարությունից հետո գերեվարված անձանց ևս:

Այնպես որ նշված հայտարարությունը պետք է կիրառվի ինչպես նոյեմբերի 9-ից առաջ, այնպես էլ դրանից հետո բոլոր իրավիճակների նկատմամբ. այնքան ժամանակ, քանի դեռ պատերազմական գործողությունների հետևանքներով պայմանավորված՝ առկա է մարդու իրավունքների պաշտպանության ու մարդասիրական գործընթացի օբյեկտիվ անհրաժեշտություն:

Ուստի, սկզբունքորեն անթույլատրելի է գերիների առկայությունը եռակողմ հայտարարության սոսկ ամսաթվով պայմանավորելը: Եվս մեկ անգամ հստակ շեշտում եմ, որ, անկախ գերեվարվելու ամսաթվից, Ադրբեջանում պահվող հայկական կողմի բոլոր զինծառայողները և քաղաքացիական անձինք գերիներ են իրենց կարգավիճակով:

  1. Գերիների ազատ արձակման հարցի բացարձակ հրատապությունը պետք է դիտարկել նաև Ադրբեջանում հայատյացության քաղաքականության համատեքստում, ինչը բազմիցս հաստատվել է Հայաստանի մարդու իրավունքների պաշտպանի՝ օբյեկտիվ ապացույցների հիման վրա հրապարակած զեկույցներով:
  2. Ուստի, բացարձակ դատապարտելի է, որ Ադրբեջանում գտնվող հայկական կողմի գերիների ազատ արձակման ու վերադարձի հարցն ակնհայտ քաղաքականացվում է, իսկ իրավական գործընթացները նենգափոխվում են ու ենթարկվում չարաշահման:

Այս ամենը կոպտորեն խախտում է մարդասիրական գործընթացն ու մարդու իրավունքները երաշխավորող միջազգային պահանջները: Ուստի, նրանք առանց որևէ նախապայմանի պետք է ազատ արձակվեն և անվտանգ վերադարձվեն Հայաստան:

  1. Ուստի, հրավիրում եմ միջազգային հանրության ու հատկապես մարդու իրավունքների պաշտպանության մանդատ ունեցող միջազգային կառույցների ուշադրությունն Ադրբեջանի նախագահի նշված հայտարարության վրա՝ բացառելու համար մարդասիրական գործընթացի որևէ խախտում, ապահովելու համար այդ գործընթացի խիստ համապատասխանությունը մարդու իրավունքների միջազգային պահանջներին:

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});