«Առաջին լրատվական»-ին երեկ տված հարցազրույցում պատասխանելով «Իսկանդերով» չկրակելու մասին ՀՀ երրորդ նախագահ Սերժ Սարգսյանի մեղադրանքներին, վարչապետ Նիկոլ Փաշինյանը գրեթե սենսացիոն հայտարարություն կամ բացահայտում արեց։ Փաշինյանը հայտարարեց, որ «Իսկանդերի» հրթիռները չեն պայթել, կամ պայթել են տաս տոկոսով։ Սերժ Սարգսյանը տալիս է հարցեր, որոնց պատասխանները նա բոլորից լավ գիտի։
44-օրյա պատերազմի ժամանակ «Իսկանդերի» թեման ամենաարծարծվողներից էր։ Այդուհանդերձ, ինչո՞ւ չի կրակել հայկական բանակի ամենահնչեղ սպառազինությունը, որը համարվում է նաև ռուսական ռազմարդյունաբերության նվաճումը․ «Առաջին լրատվական»-ի հարցին ռազմաքաղաքական վերլուծաբան Մհեր Հակոբյանը պատասխանեց․ «Իմ կարծիքով՝ վարչապետի երեկվա արած հայտարարությունն ավելի շատ քաղաքական բովանդակություն ուներ, ընդ որում՝ ներքաղաքական։ Այս առումով պատահական չի նաև տերմինների յուրօրինակությունը։ Եթե հիշում եք ՀՀ երկրորդ նախագահ Ռոբերտ Քոչարյանը հարցազրույցի ժամանակ խուսափեց գործող վարչապետի անունը տալուց՝ որոշակի ակնարկային տերմիններ կիրառեց։ ՀՀ երրորդ նախագահ Սերժ Սարգսյանն ընդգծված կիրառեց «կապիտուլյանտ» տերմինը, իսկ երեկ վարչապետ Նիկոլ Փաշինյանը հարցազրույցում կիրառեց «մերժված» տերմինը։ Ինձ մոտ հստակ տպավորությունը էր, որ այս հարցազրույցի մեսիջն ամենից առաջ ներքաղաքական էր։ Ես չեմ կարծում, որ սույն հարցազրույցը արտաքին քաղաքական բաղադրիչ ուներ, թեև, ցավալիորեն, այդպես ստացվեց։
Փորձելով պատասխանել ՀՀ երրորդ նախագահի մեղադրանքներին, փորձ կատարվեց որոշակիորեն արժեզրկել կամ վատաբանել «Իսկանդերը»։
Այսինքն՝ ներքաղաքական բովանդակություն ունեցող խնդիրը անակնկալ կերպով ստացավ ռազմական բովանդակություն։ Ավելին՝ դուրս գալով Հայաստանի սահմաններից, այն ցավալի արձագանք գտավ դրսում»։
Մանրամասները՝ տեսանյութում։