Երեկ երեկոյան Արամ Մանուկյանի արձանի մոտից սկսված երթի ընթացքում «Հայրենիքի փրկության շարժման» վարչապետի թեկնածու Վազգեն Մանուկյանը հայտարարել է, որ այսպիսի դաժան ոստիկանություն ինքը դեռ չէր տեսել:
«Մենք ոստիկանների շատ ենք տեսել, Խորհրդային միությունում ենք պայքարել, տարբեր նախագահների ժամանակ ենք պայքարել, բայց այն դաժանությունը, որն այսօր ես տեսա՝ այդպիսի դաժանություն երբեք չի եղել։ Էդ ո՞ւմ եք դուք պաշտպանում։ Մինչեւ վերջ պատասխան եք տալու։ Մեր պետությունը, որ կառուցվեց, բանակի սաղմերը եւ այլն, ամեն ինչ սկսվեց ոստիկանությունից, մեր ոստիկաններին էին Լաչինը պաշտպանում, մեր ոստիկաններից սկսվեց ջոկատների միավորումը։ Ես այսպիսի դաժան ոստիկանություն, որը հիմա է, երբեք չեմ տեսել»,- նշել է Վազգեն Մանուկյանը։ Թեմայի շուրջ «Առաջին լրատվական»-ը զրուցել է քաղաքագետ Աղասի Մարգարյանի և «Քաղաքացու որոշում» կուսակցության գործադիր մարմնի անդամ Գարեգին Միսկարյանի հետ: