Ղրղզստանի քրեական հեղինակություն Կամչի Կոլբաևի հանցավոր կազմակերպության բացահայտման մասին տեղեկատվության համար ԱՄՆ-ն առաջարկում է 1 միլիոն դոլար։ Այս մասին հայտնում է Բիշքեկում Ամերիկյան դեսպանատան մամուլի ծառայությունը:
Ինչպես նշվում է, Միացյալ Նահանգները շարունակում են աջակցել հանրապետությունում և ամբողջ աշխարհում կոռուպցիայի և կազմակերպական հանցավորության դեմ պայքարին:
Դիվանագիտական առաքելության մամուլի ծառայության փոխանցմամբ՝ 2020 թվականին Միացյալ Նահանգները հրապարակավ նշել են օտարերկրյա պետությունների 41 կոռումպացված պաշտոնյաների՝ նրանց և նրանց ընտանիքների անդամներին զրկելով ԱՄՆ մուտքից, այդ թվում՝ Ղրղզստանի մաքսային ծառայության պետի նախկին տեղակալ Ռայիմբեկ Մատաիմովին, որը բերման է ենթարկվել կոռուպցիայի և հանցագոր եկամուտների օրինականացման մեղադրանքով:
Հիշեցնենք, որ 2020 թվականի հոկտեմբերի 22-ին Բիշքեկում ձերբակալվեց ղրղզական քրեական հեղինակություն Քամչի Կոլբաևը: 2012 թվականին ամերիկյան հատուկ ծառայությունները Կոլբաևին ընդգրկեցին աշխարհի խոշորագույն նարկոբարոնների ցուցակում:
