Չեմ կարծում, թե Հայաստանում բարձր բալի քաղաքական երկրաշարժ է տեղի ունենում, կան ընդամենը բողոքի ակցիաներ: Այս մասին «Առաջին լրատվական»-ի հետ ներքաղաքական զարգացումների շուրջ քննարկման ժամանակ նշեց «Հայ կառուցողական կուսակցության ղեկավար Անդրիաս Ղուկասյանը՝ հավելելով, որ այդ բողոքի ակցիաների հեներանը ՀՀԿ-ն, ԲՀԿ-ն և ՀՅԴ-ն են:
Ղուկասյանի դիտարկմամբ՝ ստեղծված իրավիճակը կոմֆորտ է թե՛ իշխանության, թե՛ ընդդիմության համար. «Երկու բևեռները, այս դասավորությամբ, քաղաքական դաշտը պահում են իրենց հսկողության տակ և փակում են այլ քաղաքական ուժերի և նրանց ծրագրերի մուտքը»:
«Իմ քայլը» խմբակցության անդամ Հովիկ Աղազարյանը հավելեց, որ «17+»-ի՝ հրապարակում երևացող առաջնորդներից բացի՝ կան նաև ստվերային ղեկավարներ, և արդեն բացահայտ է, որ այդ շարժման թիկունքում կանգնած են Սերժ Սարգսյանը և Ռոբերտ Քոչարյանը:
Քաղաքագետ Արմեն Վարդանյանը կարծիք հայտնեց, որ ընթանում են սովորական քաղաքական գործընթացներ, իրավիճակը կրիտիկական չէ: «Չեմ կարծում, թե այս պահին իշխանափոխության նախանշաններ կան,- ընդգծեց քաղաքագետը,- այս պահին տեսանելի չէ և չենք կարող ասել, թե հողը Նիկոլ Փաշինյանի ոտքերի տակից գնում է»:
Մանրամասն՝ տեսանյութում:
