«Մենք ենք, մեր սահմանները» դրամահավաքի նպատակը հայրենիքին սատարելն էր, այն կազմակերպվեց ֆորսմաժորային իրավիճակում, և համայն հայության կողմից այդ դրամահավաքի շրջանակներում հավաքագրված գումարները ծախսվել և ծախսվում են նախատեսված նպատակների համար: Այս մասին Առաջին լրատվականի հետ զրույցում նշեց «Հայաստան» համահայկական հիմնադրամի գործադիր տնօրեն Հայկակ Արշամյանը:
«Արցախում բազմաթիվ խնդիրներ կան այսօր, առաջինը բնակարանաշինության խնդիրն է. Արցախում մոտ 7-8 հազար ընտանիք տուն չունի, և այդ խնդրի լուծումը հրատապ է: Իհարկե Արցախում նորոգվում են բազմաբնակարան շենքեր և տներ՝ մարդկանց ժամանակավոր տեղավորելու համար, մինչև որ այդ հարցը հիմնական լուծում կստանա: Երկրորդ խնդիրը ենթակառուցվածքների խնդիրն է: Հետպատերազմյան Արցախում առկա են նաև ճանապարհների, ջրի և այլ խնդիրներ: Հիմնադրամի առաջնահերթ ծրագրերից է Արցախին տարբեր տեսակի հումանիտար օգնություն տրամադրելը:
Հիմնադրամը ամբողջովին ստանձնել է նաև արցախյան երկրորդ պատերազմում հաշմանդամ դարձած զինծառայողների պրոթեզավորման ծախսերը. համագործակցում ենք «Հայրենիքի պաշտպան» կենտրոնի և սոցապ նախարարության հետ»,- նշեց Արշամյանը:
Նա նաև տեղեկացրեց, որնխատեսվում է հիմնադամի հոգաբարձուների առցանց նիստ, որտեղ կքննարկվեն հիմնադրամի աշխատանքների հետագա ուղղությունները, այսինքն՝ թե ինչ ուղղություններով պետք է ծախսվեն հավաքագրված գումարները:
Արշամյանի հավաստմամբ՝ առաջիկայում՝ գարնան վերջին, հաշվետվություն կներկյացվի հիմնադրամի միջոցներով կառավարության կատարած ծախսերի վերաբերյալ:
Մանրամասները՝ տեսանյութում: