Saturday, 27 02 2021
Կանխագուշակում եմ՝ նախագահը առարկություններով հետ կուղարկի դիմումը․ Վազգեն Մանուկյան
Ուղիղ․ Հանրահավաք Մատենադարանի մոտ․ նախաձեռնել է Ազգային-ժողովրդավարական բևեռը
15:40
ԱՄՆ-ում ինքնաթիռի կործանման հետևանքով 3 մարդ է մահացել
Նախագահ Արմեն Սարգսյանը հանդիպել է ԱԺ խմբակցություններում չընդգրկված մի խումբ պատգամավորների հետ
Արցախի Հանրապետությունը չի կարող լինել Ադրբեջանի մաս. Արտակ Բեգլարյան
15:00
Բրազիլիայի մայրաքաղաքում 24-ժամյա լոքդաուն է սահմանվում
Պատգամավորները չեն գիտակցում իրենց պատասխանատվությունը. Արծվիկ Մինասյան
14:30
Բայդենը սահմանափակումներ է մտցնում Չինաստանի հետ տեխնոլոգիական գործարքների վրա․ WSJ
Վստահ եմ բոլոր գերիներին հետ ենք բերելու, եթե քաղաքական կայունություն լինի․ անհետ կորած զինծառայողի հարազատ
14:28
Հարավային Կորեայում ավելի քան 18 հազար մարդ պատվաստվել է Covid-19-ի դեմ
Վանեցյանը թուրքերի հե՞տ ա համագործակցում, բա կարում ես գերիներին բեր․ անհետ կորած զինվորների հարազատներ
Արցախի ժողովրդի ինքնորոշման իրավունքը չի կարող ճնշվել կամ սառեցվել ուժի միջոցով. Արա Այվազյան
«Հյուսիսային հոսք-2» գազատար, Նավալնու գործ… Հայաստանը՝ Արևմուտք-Ռուսաստան հերթական առճակատման «թիրախո՞ւմ»
13:45
ԱՄՆ-ն պատրաստ է թույլատրել Johnson & Johnson-ի պատվաստանյութի կիրառումը
Ոչ մի թթու խոսք Ռոբերտ Քոչարյանի հասցեին․ Արոնյանի որոշման քաղաքական հետագիծը․․․
Նեմցովի դուստրը հայտարարել է հոր սպանության վերաբերյալ շուտով սպասվող նոր մանրամասների մասին
Բանակի ներգրավվածությունը քաղաքական պրոցեսներին անթույլատրելի է. պետք է հստակ գնահատական տալ ԳՇ-ի հակասահմանադրական քայլերին
Opel մակնիշի ավտոմեքենան Արարատի հիվանդանոցի մոտ շրջվել է. կա 4 վիրավոր
Խորհրդարանը բացարձակ անգործության է մատնված․ Սաքունց
13:03
Բայդենը դիմել է Իրանին՝ ԱՄՆ-ի կողմից Սիրիային ավիահարված հասցնելուց հետո
Բարձրաձայն լռություն. Իսրայելը և պատերազմը Լեռնային Ղարաբաղում. РСМД (Ռուսաստան)
12:50
Շվեյցարիայում առնվազն 16 մարդ է մահացել կորոնավիրուսի դեմ պատվաստումից
Վստահ եմ՝ նախագահը չի ստորագրի․ Աշոտ Մինասյան
ԳՇ հայտարարությունը հակասահմանադրական է, ավելի շիկացրեց քաղաքական մթնոլորտը
«Ժառանգություն»-ը բաց նամակ է հղել Հայաստանի նախագահ Արմեն Սարգսյանին
Ադրբեջանական զինված ուժերը 44-օրյա պատերազմի ընթացքում կատարեցին զանգվածային ոճրագործություններ․ ԱԳՆ
Ադրբեջանը շարունակում է փնտրել հայերի ցավոտ կետերը և սեղմել դրանք․ Իսկանդարյան
12:20
Գերեվարված անձանց թիվը շատ է. ՄԻՊ
Ռուսաստանը կրճատել է նավթի արդյունահանումը՝ չնայած ՕՊԵԿ+ -ի հետ պայմանավորվածություններին
Արմեն Սարգսյանն ու Արման Թաթոյանը քննարկել են գերիների վերադարձին առնչվող հարցեր

Հայաստանը պետք է շահագրգռված լինի ԵՄ օրակարգը իրականացնել, որը ցավոք, դեռ չի երևում

«Առաջին լրատվական»-ի զրուցակիցն է Երևանի մամուլի ակումբի ղեկավար Բորիս Նավասարդյանը:

– Պարոն Նավասարդյան, Հայաստան-ԵՄ համապարփակ և ընդլայնված գործընկերության համաձայնագիրն արդեն ամբողջովին վավերացվել է։ Նշվում է, որ այս փաստաթուղթը ճգնաժամից դուրս գալու կարևորագույն օղակներից է։ Ի՞նչ հնարավորություններ են Հայաստանի համար ստեղծվում։ Հայաստանն այսօր պատրա՞ստ է օգտվելու համաձայնագրի տված հնարավորությունից՝ հաշվի առնելով Ռուսաստանից կախվածությունը։

– Ես կարծում եմ՝ խնդիրը ոչ թե Հայաստանի՝ Ռուսաստանից կախվածությունն է, այլ Հայաստանի իշխանությունների կողմից պատրաստակամությունը հօգուտ երկրի և պետության զարգացմանն օգտագործել ԵՄ-ի հետ շրջանակային համաձայնագիրը։ Այդպիսի պնդում ինձ թույլ է տալիս անելու այն հանգամանքը, որ որևէ բան չէր խոչընդոտում, որպեսզի համաձայնագրի դրույթների մեծ մասը սկսեր իրականացվել ամենաուշը 2019 թվականից, իսկ եթե օպերատիվ գտնվեր կառավարությունը՝ նույնիսկ 2018-ից։ Եվ եթե այն հնարավորությունները, որ կային և, փորձագետների կարծիքով, ապահովում էին մոտ 80 տոկոս համաձայնագրի բովանդակության իրականացման համար, օգտագործվեին և մնար քսան տոկոսը, որը կապված էր վերջնական վավերացման հետ, կասեի, որ  մենք այդ ուղու վրա ենք։ Բայց քանի որ համաձայնագրի դրույթների իրականացման ուղղությամբ գրեթե քայլ չի արվել, այսօր տրամադրվել, որ վերջնական վավերացումից հետո ամեն ինչ կփոխվի, և աշխատանքները շատ ավելի արդյունավետ կլինեն, հիմքեր չեմ տեսնում և բավականին սկեպտիկորեն եմ տրամադրված հետագա զարգացումներին։ Նույնիսկ համոզված եմ, որ համաձայնագրի կոնկրետ ոլորտային դրույթների իրականացմանը, ճիշտ արտաքին քաղաքականություն, դիվանագիտություն օգտագործելու դեպքում, որևէ հանգամանք՝ կապված հայ-ռուսական հարաբերությունների հետ, չէր խանգարի։

– Արցախի հետ կապված նույնպես դրույթ կա։ Համաձայնագրում նշվում է, որ կարգավորումը պետք է հիմնված լինի ՄԱԿ-ի կանոնադրությունում և ԵԱՀԿ Հելսինկյան եզրափակիչ ակտում ամրագրված նպատակների և սկզբունքների վրա, մասնավորապես՝ ուժի սպառնալիքից կամ գործադրումից զերծ մնալու, պետությունների տարածքային ամբողջականության և ժողովուրդների հավասար իրավունքների և ինքնորոշման սկզբունքների վրա՝ հաշվի առնելով նաև կարգավորման գործընթացին աջակցելու Եվրամիության հանձնառությունը։ Պատերազմից հետո որքանո՞վ է հնարավոր այս ամենի կյանքի կոչումը։

– Այն, ինչ վերաբերում է Արցախին և անվտանգային հարցերին, դրանք շատ փոքր բաժին են, համաձայնագրի մեծ մասը հիմնական ոլորտների զարգացման հետ  կապված խնդիրներն են, որոնք կարող են իրականացվել՝ անկախ նրանից, թե ինչպիսի քաղաքականություն է իրականացվում անվտանգության ոլորտում կամ Արցախի հարցում։ Եվ ընդհանրապես, Հայաստան-ԵՄ համաձայնագրի բանակցությունների ամբողջ տրամաբանությունը՝ սկսած ասոցացման համաձայնագրից, որը, փաստորեն, տապալվեց մեր իշխանությունների նախաձեռնությամբ, և վերջացած համապարփակ և ընդլայնված գործընկերության համաձայնագրով, ամբողջ տրամաբանությունն այն էր, որ հաշվի առնելով իր շատ առանձնահատուկ աշխարհաքաղաքական իրավիճակն անվտանգային հարցերին, Արցախի հարցերին, ինչպես նաև մասամբ էներգետին ոլորտին, բավականին համեստ հավակնություններ կային։ Եվ պարզ էր բոլորի համար, նաև՝ ԵՄ-ի, որ մենք չենք կարող նույնքան խորանալ այդ ուղղությունների մեջ (խոսքը առաջին հերթին անվտանգային համակարգի մասին է, մասամբ՝ էներգետիկ համակարգի), ինչքանով խորացել էին Ուկրաինան, Մոլդովան և Վրաստանը։ Բայց մյուս ոլորտների հետ կապված, կրկնում եմ, խոչընդոտներ չկային, և կարելի էր բավականին լուրջ բարեփոխումների ծրագիր նախատեսել և իրականացնել, ինչը, ցավոք, չենք տեսել։ Եվ հիմա, հաշվի առնելով շատ անորոշություններ, որոնք կան Արցախի թեմայով և ընդհանրապես անվտանգության թեմայով, ես այդ խնդիրների վրա այսօր չէի կենտրոնանա, մանավանդ, որ նրանք չեն խանգարում մյուս ոլորտներում առաջ գնալ։

– Պարոն Նավասարդյան, եթե համաձայնագրով կան պարտավորություններ, իշխանությունը արդյոք չի՞ պարտավորվում կյանքի կոչել այն, հատկապես ներդրումների մասով։

-Ես նույնիսկ չէի օգտագործի «պարտավորություն» բառը, որովհետև, ի վերջո, այս ծրագիրն այնպիսի ծրագիր է, որ պետությունը, տվյալ դեպքում՝ Հայաստանը, կարող է ի նպաստ իր զարգացմանը օգտագործել ԵՄ աջակցությունը։ Այստեղ ոչ թե պարտավորության մասին պետք է խոսենք, այլ այն հնարավորությունների, որ տրամադրվել են մեզ, և կարելի էր այդ հնարավորությունները դարձնել երկրի զարգացման հիմնական ռեսուրս։ Եվ ես համոզված եմ, որ ի տարբերություն շատ այլ երկկողմանի հարաբերությունների, որ մենք ունեինք միջազգային կառույցների դեպքում, որտեղ կային նաև քաղաքական պարտավորություններ, և կար բավականին խոր մոնիտորինգ, թե ինչքանով է Հայաստանը կատարում այդ պարտավորությունները, այստեղ մենք ԵՄ-ին, կարծում եմ, չենք տեսնելու որպես որևէ բան պարտադրող և վերահսկողություն իրականացնող կառույց։ ԵՄ-ն առաջին հերթին արձագանքելու է այն նախաձեռնություններին, որոնք գալիս են մեզնից, և արդեն այդ նախաձեռնությունների վերաբերյալ շատ կոնկրետ ծրագրերի, պլանների մշակումից հետո իրականացնել մոնիտորինգ։ Այսինքն՝ ոչ թե Եվրամիությունն է մեզ օրակարգ թելադրում, այլ դրա բանակցությունների արդյունքում անմիջական մասնակցությամբ ընտրված օրակարգն է, և հենց մենք առաջին հերթին պետք է շահագրգռված լինենք այդ օրակարգը իրականացնել, այլ ոչ թե պարտավորված զգանք ինչ-որ բան անել, եթե ինչ-որ խնդիրներ և խոչընդոտներ կան այդ ուղղությամբ առաջ շարժվելու։ Սա իր էությամբ շատ կառուցողական համագործակցություն ենթադրող փաստաթուղթ է և հնարավորություն, և այն իրականացվելու է միայն մեր շահագրգռվածության  պարագայում։ Այդ կարգի շահագրգռվածություն այս պահին, ցավոք, դեռ չի երևում։

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});