2019 թվականի դեկտեմբերին Ֆլորիդայի ավիաբազայում զինծառայողներից մեկի կրակ բացելու արդյունքում զոհված ամերիկացիների ընտանիքները դատական հայց են ներկայացրել Սաուդյան Արաբիայի իշխանությունների դեմ: Համապատասխան փաստաթղթերը տեղադրված են Ֆլորիդայի Հյուսիսային շրջանի դաշնային դատարանի էլեկտրոնային տվյալների բազայում:
Պենսակոլայի ռազմածովային բազայում, 2019 թվականի դեկտեմբերի 6-ին, սաուդցի զինվոր Մոհամադ աշ-Շամրանին սկսել էր կրակել այլ զինվորների վրա: Միացյալ Նահանգներ նա եկել էր որպես օդաչու սովորելու ամերիկացի մասնագետների ղեկավարությամբ: Աշ-Շամրանին սպանել է երեք մարդու, վիրավորել ութին: Նրան սպանեց ժամանած ոստիկանը:
Ընտանիքներից բացի դատական հայց են ներկայացրել նաև վիրավոր զինծառայողները: Նրանց կարծիքով՝ թագավորության իշխանությունները տեղյակ էին «Ալ-Քաիդա» կազմակերպության ահաբեկչական ցանցի հետ ալ-Շամրանիի կապերի մասին: Այս մասին ավելի վաղ հայտարարել էր արդարադատության նախկին նախարար և ԱՄՆ գլխավոր դատախազ Ուիլյամ Բարը: Նա հրաձգությունը որպես ահաբեկչություն է որակել:
Հայցվորները նաև մեղադրում են Սաուդյան Արաբիային նրանում, որ իբր իշխանությունները տեղյակ են եղել, որ ալ-Շամրանին ապօրինի կերպով զենք է գնել և պահել: