ԵՄ անդամ երկրների արտգործնախարարները պայմանավորվել են պատժամիջոցներ սահմանել ռուսաստանցի բարձրաստիճան չորս պաշտոնյաների նկատմամբ՝ ի պատասխան Ալեքսեյ Նավալնիի քրեական հետապնդման: Այս մասին հաղորդում է Reuters-ը և DPA գործակալությունը՝ հղում անելով ԵՄ դիվանագետներին:
Համաձայնությունը ձեռք է բերվել փետրվարի 22-ին Բրյուսելում կայացած նախարարների հանդիպման ժամանակ:
Կոնկրետ պաշտոնյաների անուններ չի քննարկվել, սակայն, ըստ Reuters գործակալության աղբյուրների, նախատեսվում է պատժամիջոցներ կիրառել Քննչական կոմիտեի նախագահ Ալեքսանդր Բաստրիկինի, Ռոսգվարդիայի ղեկավար Վիկտոր Զոլոտովի, գլխավոր դատախազ Իգոր Կրասնովի և ՌԴ ՊԿԴԾ տնօրեն Ալեքսանդր Կալաշնիկովի նկատմամբ:
Ըստ Politico-ի, Եվրամիությունը դիտարկում է, այսպես կոչված, «Մագնիտսկու օրենքը» առաջին անգամ կիրառելու հնարավորությունը՝ կապված ռուսաստանցի ընդդիմադիրի հետապնդումների հետ: