Սիրիայում գրանցվել է Sputnik V կորոնավիրուսային վարակի դեմ ռուսական պատվաստանյութը: Այս մասին հայտնում է ՏԱՍՍ-ը՝ հղում կատարելով Մոսկվայում Սիրիայի դեսպանատան հաղորդագրությանը:
«Սիրիայի Արաբական Հանրապետությունն ավարտել է կորոնավիրուսային վարակի դեմ ռուսական Sputnik V պատվաստանյութի գրանցման բոլոր ընթացակարգերը և թույլատրել դրա օգտագործումը իր տարածքում», – ասվում է հաղորդագրության մեջ:
Ռուսական պատվաստանյութի օգտագործումն արդեն հաստատվել է Բելառուսում, Վենեսուելայում, Թուրքմենստանում, Հունգարիայում, Արաբական Միացյալ Էմիրություններում, Ղազախստանում, Ուզբեկստանում և այլ երկրներում: Ընդհանուր առմամբ, ցուցակում ներառված են ավելի քան 30 պետություններ: