Ամիսներ շարունակ Հայաստանում սպասում էին, թե երբ է Միացյալ Նահանգներում ձևավորվելու նոր վարչակազմը։
Միացյալ Նահանգներում նոր վարչակազմն արդեն ձևավորվել է։ Հիմա կարո՞ղ ենք խոսել Հարավային Կովկասում Բայդենի որդեգրած քաղաքականության մասին, թե՞ «ճտերն աշնանն են հաշվում»․ «Առաջին լրատվական»-ի հարցին ԱՄՆ-ում Հայաստանի նախկին փոխդեսպան Արմեն Խարազյանը պատասխանեց․ «Կարծում եմ՝ Հարավային Կովկասում Բայդենի վարչակազմը հատուկ քաղաքական հայտարարություններ դեռ չունի այնպես, որ թուլ կտային մեզ պատկերացնել, թե որոնք են հիմնական քաղաքական ուղղությունները։ Նույնիսկ տարածաշրջանը եզրագծող այլ երկրների նկատմամբ՝ Ռուսաստան, Իրան, Թուրքիա, նոր վարչակազմի քաղաքականությունը դեռևս խորքային առումով ձևավորման փուլում է, թեև գիտենք որոշ տարրեր, որոնք, կարծեք, ավելի հստակ են ուրվագծվում։ Այն, որ Իրանի հետ Միացյալ Նահանգները պատրաստ է վերադառնալ Միջուկային պայմանագրի իրականացմանը, արդեն երևում է, թեև Իրանը դեռ պատասխան չի տվել։ Թուրքիայի հետ ունի մի շարք խնդիրներ, որոնք դեռ լուծված չեն։ Ռուսաստանի հետ գիտենք, որ Ստարտ պայմանագիրը երկարաձգվում է, սակայն քաղաքականության ավելի մեծ չափանիշներ դեռևս հստակ ուրվագծված չեն։
Այն, որ Միացյալ Նահանգների կողմից այս տարածաշրջանում ձևավորված քաղաքականությունը բազմաթիվ շարժվող բաղադրիչներ ունի իր մեջ։ Սրանք են, որ ի վերջո պայմանավորում են այդ քաղաքականության ավարտուն տեսքը, ձևը, բովանդակությունը, և դրա իրականացման հարցում Միացյալ Նահանգների վարչակազմի հանձնառությունը»։
Մանրամասները՝ տեսանյութում։
