Կառավարությունը տարբեր առիթներով հայտարարում է, որ քննարկվում են բազմաթիվ ներդրումային ծրագրեր, խոսվում է միլիարդավոր դոլարների հասնող փաթեթների մասին, բայց այդպես էլ այդ ծրագրերը չենք տեսնում։
Ժամանակը գնում է, իսկ այդ ծրագրերը, որոնց մասին խոստումներ են հնչում կամ քննարկումների տիրույթում են, հենց այդ տիրույթում էլ մնում են։ Ինչո՞ւ․ «Առաջին լրատվական»-ի հարցին տնտեսագետ Զարեհ Ասատրյանը պատասխանեց․ «Հայաստանը տնտեսապես ծանր փուլում է այս պահին։ Զույգ ճգնաժամեր ենք անցել՝ կորոնավիրուսի ճգնաժամը և վրա հասած պատերազմի ճգնաժամը։ Հիմա դրանց հետևանքները վերացնելու ժամանակն է։ Չեմ կարծում, որ եկել է թռիչքային զարգացման ժամանակը։ Ժամանակն է, որ ստաբիլացնել տնտեսական իրավիճակը։ Դրա համար ճիշտ եք ասում, որ պետք են ներդրումներ, պետք են ծրագրեր։ Սակայն ինչպես ասացի՝ այս ծանր իրավիճակում պետք չի սպասել շատ և, մասնավորապես, մասնավոր ու դրսի ներդրումներ։ Հիմա պետք է պետությունն այս ցնցումն իր վրա վերցնի և իր ծրագրերն ու ներդրումներն իրականացնի 2021 թվականին»։
Մինչև համավարակը կամ պատերազմը Հայաստանում որևէ խոշոր ներդրումային ծրագիր իրականացվե՞լ է, դուք գոնե մեկի մասին տեղյա՞կ եք․ «Առաջին լրատվական»-ի հարցին Զարեհ Ասատրյանը պատասխանեց․ «2018-ի մայիսից հետո, իհարկե, ներդրումային ծրագրեր եղել են։ Տնտեսությունը բավականին ակտիվացել էր, որից հետո այն ինքն իրենով սկսել էր աճել՝ որոշ հատվածներում աճը նույնիսկ երկնիշ թվերով էր։ Սպասումները բավականին դրական էին, և տնտեսությունն աճում էր։ Ցավոք սրտի, 2020-ը շատ ծանր տարի եղավ մեզ համար»։
Մանրամասները՝ տեսանյութում։