Վրաստանում COVID-19-ի զոհերի թիվն աճել է՝ հասնելով 3363-ի: Կառավարությունը հաղորդել է, որ ևս 11 հիվանդ մահացել է կորոնավիրուսային վարակի պատճառով առաջացած բարդություններից:
24 ժամվա ընթացքում երկրում հայտնաբերվել է կորոնավիրուսով վարակման 165 նոր դեպք: Իրականացվել է 9197 թեստ. 2989-ը՝ PCR թեստ, 6208-ը՝ հակագենի արագ թեստ:
Ապաքինվել է ևս 639 հիվանդ: Երկրում COVID-19-ի հաստատված դեպքերի ընդհանուր թիվը 265.722 է, ապաքինվել է 258.732 մարդ:
Ըստ Stopcov.ge կառավարական կայքի, Վրաստանում կորոնավիրուսի հայտնաբերման մակարդակը մեկ օրում կազմել է 1.79%, իսկ վերջին 14 օրվա ընթացքում՝ 3%, վերջին շաբաթվա ընթացքում՝ 2.5%:
