Tesla-ի և SpaceX-ի հիմնադիր Իլոն Մասկը կիսվել է թռչող ավտոմեքենա ստեղծելու իր ծրագրերով: Այս մասին նա պատմել է դերասան և կոմիկ Ջո Ռոգանի հետ զրույցի ընթացքում՝ նրա Joe Rogan Experience պոդկաստի եթերում:
Գործարարը նշել է, որ մտադիր է արդիականացնել Roadster 2 էլեկտրամոբիլը՝ ավելացնելով լևիտացիայի (շարժունակության) ֆունկցիա:
«Ես ուզում եմ, որ այն ճախրի: Ես փորձում եմ հասկանալ, թե ավտոմեքենան ինչպես կարող է թռչել՝ առանց մարդկանց վնասելու»,- ասել է Մասկը:
Նրա խոսքով, ամենայն հավանականությամբ ավտոմեքենան կկարողանա բարձրանալ մոտավորապես մեկ մետր բարձրության վրա, իսկ հանկարծակի վայր ընկնելու դեպքում մարդիկ չեն տուժի, և կվնասվի միայն մեքենայի կախոցը:
Business Insider-ը հայտարարել է, որ եթե Մասկի ծրագիրը կյանքի կոչվի, ապա այն միանշանակ չի ընդունվի անվտանգության կարգավորիչների կողմից:
