«Ե՛վ «Իմ քայլը», և՛ «Լուսավոր Հայաստանը», և՛ «Բարգավաճ Հայաստանը» արտահերթ խորհրդարանական ընտրություններին չեն ունենա պատգամավորների այն քանակը, որ ունեն հիմա: Եվ այս առումով նրանց շահերը համընկնում են»,- «Առաջին լրատվական»-ի հետ զրույցում ասաց «Քաղաքացու որոշում» կուսակցության գործադիր մարմնի անդամ Սուրեն Սահակյանը՝ անդրադառնալով արտահերթ ընտրություններ չանցկացնելու որոշման վերաբերյալ իշխանության հայտարարությանը:
Մեր զրուցակցի կարծիքով՝ արտահերթ խորհրդարանական ընտրություններ, այնուամենայնիվ, լինելու են. «Ես ոնց հասկացա, խոսքը մինչև մայիսի 18-ը լինելիք արտահերթ ընտրությունների մասին էր: Սոցիոլոգիական հարցումները ցույց են տվել, որ ավելի մեծ վարկանիշ, քան ունի «Քաղաքացիական պայմանագիրը», դեռևս ոչ մի ուժ չունի: Եվ դա ակնհայտ է դառնում մարզերում մեր շփումների ընթացքում: Ես այս միջավայրում չեմ պատկերացնում այնպիսի արտահերթ ընտրություններ, որոնք կձևավորեն նորմալ խորհրդարան: Փակուղին հենց սա է, երբ չկա միանշանակ ճիշտ ճանապարհ»:
Ինչ վերաբերում է ընդդիմության սպասվելիք գործողություններին, ապա Սուրեն Սահակյանը կարծում է, որ եթե նրանց ասելիքը չփոխվի, ապա ոչինչ չի փոխվի հանրային ընկալումներում. «Հակասահմանադրական գործողությունները պետք է արժանանան իրավապահ մարմինների ուշադրությանը»:
Առավել մանրամասն՝ տեսանյութում:
