Փետրվարի 10-ին Եվրոպական միությունը ծանուցել է Հայաստանի Հանրապետությանը՝ ԵՄ և ԵՄ անդամ երկրների կողմից ՀՀ-ԵՄ Համապարփակ և ընդլայնված գործընկերության համաձայնագրի վավերացման գործընթացի ավարտի մասին։ Համաձայնագիրը լիարժեքորեն ուժի մեջ կմտնի ս.թ. մարտի 1-ից:
Այս փաստաթուղթ կուռ իրավական հիմք է ստեղծում ՀՀ-ԵՄ գործընկերության համար՝ ուրվագծելով համագործակցությունն ամենատարբեր ոլորտներում, ինչպիսիք են՝ անվտանգությունը, տնտեսությունը, մշակույթը, առողջապահությունը և այլն։
Համաձայնագրի արդյունավետ կիրարկումը ի՞նչ շոշափելի արդյունքներ կբերի ՀՀ քաղաքացիների համար: Թեմայի շուրջ «Առաջին լրատվական»-ի հետ զրույցում անդրադառնալով այս հարցին՝ Երևանի մամուլի ակումբի նախագահ Բորիս Նավասարդյանը նշեց, որ այդ փաստաթուղթը կարող էր շատ դրական նպաստ ունենալ մեր բարեփոխումների օրակարգում, քանի որ նույնիսկ մինչև ավարտական վավերացումը համաձայնագրի դրույթների մեծ մասը կարող էին կիրառվել և դրանց շուրջ կարող էին համաձայնություններ լինել ՀՀ և ԵՄ միջև:
«Կարծում եմ՝ այդ շանսը, ցավոք, Հայաստանը բաց թողեց, և 2017թ. ստորագրված այս փաստաթուղթը չդարձավ Հայաստանում բարեփոխումների համար աջակցող հնարավորություն: Մեր նախաձեռնողականության պակասի պայմաններում այս փասաթղթով տրված հնարավորությունները համարյա չեն օգտագործվել»,- նշեց Նավասարդյանը՝ հավելելով, որ դա տեղի չունեցավ մի քանի պատճառներով:
Մանրամասն՝ տեսանյութում:
