Հաշվի առնելով վերջին շրջանի զարգացումները՝ առաջիկայում ռուս-ամերիկյան հարաբերություններում խոր ճգնաժամը կարծեք թե անխուսափելի է դառնալու, ԱՄՆ-ը կրկին գլոբալ խաղացողի իր դերն է փորձում ստանձնել, իսկ Արցախում Պուտինը խաղաց իր հաղթական պարտիան: Արդյո՞ք այդ պարտիայի ապագան մշուշոտ չէ: Առաջիկայում սպասե՞լ ռուս-ամերիկյան «սիրախաղի»:
«Առաջին լրատվական»-ի հետ զրույցում անդրադառնալով այս հարցին՝ վերլուծաբան Հակոբ Բադալյանը կարծիք հայտնեց, որ չի կարծում, թե ռուս-ամերիկյան հարաբերություններում ավելի խոր ճգնաժամ կառաջանա, քան մինչ այժմ կար:
ԱՄՆ-ի համար խնդիրը շարունակելն է Ռուսաստանին թուլացնող քաղաքականությունը, միևնույն ժամանակ անհրաժեշտ ուղղություններով աշխատել Ռուսաստանի հետ, այսինքն՝ խնդիրը պահել կառավարելության դաշտում և չբերել մի վիճակի, երբ անկանխատեսելի հեռանկարներ կառաջանան, և այդ վիճակից կօգտվի Չինաստանը: Չինաստանը սկսել է Ռուսաստանի կլանման գործընթաց՝ դանդաղ և հետևողականորեն:
«ԱՄՆ-ի համար խնդիրը շարունակելն է Ռուսաստանին թուլացնող քաղաքականությունը, միևնույն ժամանակ անհրաժեշտ ուղղություններով աշխատել Ռուսաստանի հետ, այսինքն՝ խնդիրը պահել կառավարելության դաշտում և չբերել մի վիճակի, երբ անկանխատեսելի հեռանկարներ կառաջանան, և այդ վիճակից կօգտվի Չինաստանը: Չինաստանը սկսել է Ռուսաստանի կլանման գործընթաց՝ դանդաղ և հետևողականորեն:
ԱՄՆ-ի՝ Ռուսաստանին թուլացնելու քաղաքականության ռազմավարական նպատակն այն է, որ Ռուսաստանին բերի Արևմուտքի հետ գործընկերության դաշտ՝ բայց ոչ հավասարը հավասարի հետ:
Ինչ վերաբերում է Պուտինի՝ հաղթական պարտիային, դա հաղթանակ էր Հայաստանի ու Արցախի, որոշակիորեն նաև Ադրբեջանի նկատմամբ: Բայց լայն, տարածաշրջանային առումով, ես համամիտ չեմ, որ Պուտինը հաղթեց, որովհետև կա փաստ, որ Ռուսաստանը թույլ է տվել Թուրքիային մտնել Կովկաս՝ իր համար կենսական համարվող շահերի տարածք՝ հասնելով ընդհուպ մինչև Շուշի: Չեմ կարծում, թե սա այն է, ինչ ուզում է Ռուսաստանը: Ռուս խաղաղապահներն Արցախում են, բայց սա նվազագույնն է, որ Ռուսաստանը փորձել է ստանալ իրեն պարտադրված պատերազմում:
Առավելագույնը ստացել է Թուրքիան: Եվ եթե խոսենք հաղթական պարտիայի մասին, սա, ցավոք, Էրդողանի հաղթական պարտիան էր, որի հետ Ռուսաստանը պարզապես համակերպվել է»,- նշեց Բադալյանը՝հավելելով, որ այս պարտությունը ահազանգ է մեզ համար:
Մանրամասները՝ տեսանյություն:
