Ռուսաստանի Դաշնության նախագահ Դմիտրի Մեդվեդևը այսօր հայտարարել է, որ Ռուսաստանը որոշակի ծրագրեր ունի արտասահմանում ռազմական բազաներ ունենալու վերաբերյալ, սակայն բարձրաձայն դրանց մասին չի կարող ասել: Մեդվեդևն այս միտքն արտահայտել է ` պատասխանելով ՌԴ ռազմական ուժերի հրամանատարների հավաքի ժամանակ հնչած հարցին: «Ինչպես հասկանում եք, Ռուսաստանի Դաշնության նախագահն իր հրամանով չի կարող ռազմական բազաներ ստեղծել օտար պետությունների տարածքում: Դրա համար անհրաժեշտ է անցկացնել քաղաքական-դիվանագիտական աշխատանք, որպեսզի մեզ ցանկանան տեսնել (իրենց տարածքում – խմբ.) և դա դիտարկեն որպես սեփական վարկի և անվտանգության բաձրացման տարր»,-ասել է Մեդվեդևը:
Այս մասին տեղեկացնում է РИА “Новости” գործակալությունը:
