Այսօր՝ փետրվարի 1-ին, ԱԺ-ում հրավիրվել են խորհրդարանական լսումներ՝ «Գիտությունը որպես անվտանգության և զարգացման հենասյուն» թեմայով:
«Այբ» կրթական հիմնադրամի հոգաբարձուների խորհրդի նախագահ Արամ Փախչանյանը նշեց, որ պետական ֆինանսները տնօրինողներն ունեն վաշխառուի մտածողություն. «Ոչ միայն գիտությունը, այլև ընդհանրապես Հայաստանը դանդաղ է զարգանում»:
Նրա խոսքով՝ մեր ազգային ապրանքի 90 տոկոսը հուշանվերներ են և ուտելիք: Մինչդեռ, ինչպես նշեց նա, գիտությունը ռիսկ է և չպետք է վախենալ ռիսկի դիմելուց. «Բացասական արդյունքն էլ գիտության մեջ շատ լավ արդյունք է: Եթե մենք դառնանք ոչ թե ստեղծագործական, այլ սպառող պետություն, կդառնանք քաղաքական խաղերի խաղալիք. մեզ կտնօրինեն, կբաժանեն իրենց շահերին հարմար»:
Մանրամասն՝ տեսանյութում: