Ռուսաստանում գազի հանույթը մինչև 2030 թվականը հեռանկարում կաճի և արդեն 2030 թվականին կարող է կազմել 846 միլիարդից մինչև շուրջ 1,03 տրիլիոն խորանարդ մետր, հետևում է մինչև 2035 թվականը Ռուսաստանի գազի ճյուղի զարգացման գլխավոր սխեմայի նախագծից, որը ներկայացրել է ՏԱՍՍ-ը:
2019 թվականի արդյունքներով՝ Ռուսաստանում արդյունահանվել է 739 միլիարդ խորանարդ մետր գազ, 2020 թվականին համավարակի ֆոնին այդ ցուցանիշը նվազել է՝ հասնելով 689 միլիարդ խորանարդ մետրի: Գազի հաշվեկշռի համաձայն, 2025 թվականին ռուսաստանյան գազի հանույթը պետք է հասնի 777-890 միլիարդ խորանարդ մետրի, իսկ 2035 թվականին՝ 850 միլիարդից 1,057 տրիլիոն խրանարդ մետրի: Ըստ որում, մինչև 2035 թվականը Ռուսաստանում հեղուկացված բնական գազի արտադրությունը 2020 թվականի համեմատ գրեթե քառապատիկ կավելանա:
Այսպես, եթե անցյալ տարի Ռուսաստանն արտադրել է 41,5 միլիարդ խորանարդ մետր հեղուկացված գազ, ապա 2035 թվականին այդ ցուցանիշը կարող է հասնել 90-158 միլիարդ խորանարդ մետրի: 2035 թվականին խողովակաշարային գազի արտահանումը ակնկալվում է 250-324 միլիարդ խորանարդ մետր ծավալով, հետևում է փաստաթղթից: