Sunday, 07 03 2021
Լարսի ռուսական կողմում կա մոտ 520 կուտակված բեռնատար ավտոմեքենա
12:30
Երեք պարզ վարժություն՝ սրտի կաթվածի ռիսկը նվազեցնելու համար
12:15
Մասնագետները խոսել են լյարդի ցիռոզի անսովոր ախտանիշների մասին
12:00
Գիտնականները կանխատեսում են թթվածնային նոր աղետ
Հալաբյան փողոցում տեղի է ունեցել ՃՏՊ․ կա երկու զոհ
Սյունիքի մարզում ո´չ ճանապարհներին, ո´չ գյուղերի անմիջական հարևանությամբ դրոշներ ու ցուցանակներ չպետք է լինեն. ՄԻՊ
Հայաստանում հաստատվել է կորոնավիրուսով վարակվելու 422 նոր դեպք. Ունենք 130 առողջացած մարդ և 2 մահ
11:15
Շինարարները Թուրքիայում խորհրդավոր հին սարկոֆագ են գտել
11:00
Խոշոր կենդանիների անհետացումը կրկնապատկել է մարդու ուղեղը. հնէաբաններ
10:45
Անջելինա Ջոլին վաճառել է Չերչիլի նկարը ռեկորդային՝ 11,6 միլիոն դոլարով
Արտահերթ ընտրություններն իրավիճակից ելք չի կարելի համարել․ խնդիրը շատ ավելի խորքային է
10:15
Արքայազն Հարրին Օփրա Ուինֆրիին տված հարցազրույցում պատմեց մոր մասին
Այս օրերին կորոնավիրուսի դեպքերի աճը բնական երևույթ էր. աշխարհը պետք է բացվի, այլևս անհնար է
09:54
Պոմպեյի մերձակայքում անտիկ սայլ է հայտնաբերվել՝ էրոտիկ պատկերներով
Ինչ եղանակ է սպասվում առաջիկա օրերին
09:30
Հայտնի են 2020 թվականի ամենատարածված գաղտնաբառերը
09:15
Արցախը գրկաբաց սպասում է բոլորիդ
«Իսկանդեր»-ն ու հայ-ռուսական հարաբերության առողջության ճանապարհը
00:00
Աշխարհում կորոնավիրուսից մահացությունների թիվը գերազանցել է 2,57 միլիոնը
Պուտինը ուղերձ է հղել Իրանի հոգևոր առաջնորդին
Twitter-ում առաջին թվիթը գնահատվել է 1 միլիոն դոլար
23:20
Դալայ Լաման պատվաստվել է կորոնավիրուսի դեմ
Ահազանգ է ստացվել, որ «Դալմա-մոլ» առևտրի կենտրոնում ռումբ է տեղադրված
23:00
Բրիտանիայի ափերի մոտ թռչող նավ են նկարահանել
22:45
Ինդոնեզիայում կոկորդիլոսի ստամոքսից դուրս են բերել 8-ամյա երեխայի մարմին
22:30
Պետդեպարտամենտի նախկին աշխատակիցը, որը ձերբակալվել է Կապիտոլիումի գրոհին մասնակցելու պատճառով
Ռուսաստանում գրանցվել է դեպի Վրաստան ավիատոմսերի պահանջարկի 37 անգամ աճ
ՀՀ առողջապահության նախարարն այցելել է Սյունիք
«Երևանից ու Բաքվից Թբիլիսի թռչելն ավելի մոտ է, քան Ժնև ու Մինսկ»․ Վրաստանը բանակցությունների հարթակ է առաջարկում Հայաստանին ու Ադրբեջանին
21:50
Դայակը պատմել է Իլոն Մասկի երեխաների տարօրինակությունների մասին

Սա աննախադեպ հայտարարություն պետք է համարել Իրանի արտաքին գործերի նախարարի կողմից

«Առաջին լրատվական»-ի զրուցակիցն է իրանահայ վերլուծաբան Սահակ Շահմուրադյանը:

– Պարոն Շահմուրադյան, ինչպե՞ս եք գնահատում Իրանի ԱԳ նախարար Զարիֆի այցը Բաքու, ապա Հայաստան։ Բաքվում նրա արած հայտարարությունները բուռն քննադատության առիթ են հանդիսացել, ի՞նչ տրամադրություններ են այս առումով Իրանի հայկական համայնքում:

– Հունվարի 26-ին Բաքու կատարած այցի ժամանակ Իրանի ԱԳ նախարար Մոհամադ Ջավադ Զարիֆն ասել է, որ Թեհրանը ցանկանում է վեցակողմ համագործակցության միություն ձևավորել Կովկասի տարածաշրջանում, և դա  տարածաշրջանի երկրներ կատարած իր այցի կարևորագույն նպատակն է:

Տարածաշրջանային այցերի շրջանակում հունվարի 25-ին ԻԻՀ ԱԳ նախարար Մոհամադ Ջավադ Զարիֆն այցելել էր Բաքու: ԻԻՀ ԱԳ նախարարը հայտարարել է, որ տարածաշրջանում կայուն խաղաղության հաստատման ուղին անցնում է տարածաշրջանային պայմանավորվածությունների միջով, ներառյալ տրանսպորտային միջանցքները, որոնցից շահելու են բոլորը:

Բաքվում Ադրբեջանի նախագահ Իլհամ Ալիևի հետ հանդիպման ժամանակ ողջունելով տարածաշրջանային վեցակողմ համագործակցության նախաձեռնության վերաբերյալ Ադրբեջանի նախագահի առաջարկը՝ ԻԻՀ ԱԳ նախարար Զարիֆը Թեհրանի պատրաստակամությունն է հայտնել համագործակցելու տարածաշրջանում խաղաղության, կայունության հաստատման հարցում: Զարիֆն Իրանի պատրաստակամությունն է հայտնել մասնակցելու ազատագրված տարածքների վերակառուցմանը, հատկապես շինարարության, տեխնիկական ծառայությունների, էլեկտրականության և էներգետիկայի, գյուղատնտեսության, ականազերծման, մզկիթների և հուշարձանների վերակառուցման ոլորտներում:

Ինչպես ասել եմ, սա աննախադեպ հայտարարություն պետք է համարել Իրանի արտաքին գործերի նախարարի կողմից, քանի որ Իրանը նախապես հայտարարել էր, որ հանդիպումների հիմնական թեման լինելու են տարածաշրջանային համագործակցությունն ու երկկողմ հարաբերությունների զարգացման և բազմակողմ համագործակցության ամրապնդման ուղիները, սակայն Բաքվում Իրանի ԱԳ նախարարը անսպասելիորեն ողջունել է տարածաշրջանային վեցակողմ համագործակցության նախաձեռնության վերաբերյալ Ադրբեջանի նախագահի առաջարկը, և Թեհրանը հանդես չի եկել նախաձեռնող և նոր առաջարկներ ներկայացնող երկրի դերում:
– Ի՞նչ արձագանք կա այս հայտարարությանը Իրանում։  

Զարիֆի այս հայտարարությունները Ադրբեջանի մայրաքաղաք Բաքվում և այն էլ՝ Ալիևին սիրաշահելու և ադրբեջանցիներին շոյելու համար բուռն արձագանք են գտել հայկական ԶԼՄ-ներում և փորձագիտական շրջանակներում, իսկ Իրանի հայ համայնքի շրջանում դա ընկալվել է որպես Իրանի արտաքին քաղաքականության պաշտոնական մոտեցում հարևան երկրների հետ, որը հիմնված է երկկողմ և բազմակողմ համագործակցության և առևտրատնտեսական հարաբերությունների զարգացման վրա: Իրանահայ համայնքն այնքան էլ ներգրավված չէ երկրի քաղաքական հարցերի գործընթացներում և հիմնականում զբաղված է իր առօրյա խաղաղ քաղաքացիական աշխատանքներով: Սակայն համայնքը սերտ հարաբերություններ ունի Հայաստանի գործարարական և սոցիալական շրջանակների հետ, իսկ Իրան-Հայաստան պետական մակարդակի հարաբերությունների խորացումն ու բարեկամական կապերը ներգործուն ազդեցությոն ունեն հայ համայնքի կյանքի վրա: Այնպես որ, Բաքու և Մոսկվա կատարած այցերից հետո ԻԻՀ ԱԳ նախարար Մոհամադ Ջավադ Զարիֆի այցը Հայաստան և դրա արդյունքներն ու ձեռքբերումները ոչ միայն կարևորում են Իրան-Հայաստան բարեկամական հարաբերությունների խորացումը, այլև դա նշանակալի ազդեցություն կարող է ունենալ իրանահայ համայնքի հանրային կարծիքի վրա՝ հույս ներշնչելով, որ Իրանի իշխանությունները ինչպես հայ համայնքի նկատմամբ դրսևորում են բարյացակամ, հոգատար, արդար և քրիստոնյաների իրավունքները հարգող ու պաշտպանող մոտեցում, այնպես էլ Հայաստանի վերաբերյալ և, ելնելով երկու հարևան երկրների բազմակողմանի շահերից, նույնպես կփորձեն հավասարակշիռ քաղաքականություն վարելով տարածաշրջանում՝ ճիշտ ընկալել Հայաստանի հետպատերազմյան պայմանները և աջակցել տարածաշրջանում կայունության և խաղաղության հաստատմանը՝ իհարկե նկատի ունենալով տարածաշրջանային բոլոր դերակատար երկրների շահերն ու տարածքային ամբողջականության պահպանման սկզբունը, որի վրա այսքան շեշտադրում են անում իրանցի դիվանագետները: Իհարկե, դա միայն չի վերաբերում Ադրբեջանի տարածքային ամողջականության պահպանմանը. Հայաստանը նույնպես ակնկալում է, որ իր բարեկամ և հարևան երկրները հարգեն ու պահպանեն միջազգային ընդունված նորմերը և քայլեր ձեռնարկեն երկկողմ ու բազմակողմ շահերի պաշտպանության և հարաբերությունների հավասարակշիռ զարգացման ուղղությամբ:

Թերևս Մոսկվա կատարած այցի ընթացքում և ռուսական ԶԼՄ-ների կողմից իրազեկվելով իր՝ Բաքու կատարած այցի շրջանակում հայտարարությունների վերաբերյալ հայկական ԶԼՄ-ների տիրույթում բուռն քննադատությունների արժանանալու  մասին լուրերին, Հայաստանի Հանրապետության մայրաքաղաք Երևանի օդանավակայանում ասելով, որ Հայաստանը Իրանի Իսլամական Հանրապետության հին հարևան ու բարեկամն է,  հավելել է, որ այցի նպատակն է զարկ տալ Իրան-Հայաստան բարեկամական կապերին: Զարիֆը հայտարարել է. «Ես խոսեցի Իլհամ Ալիևի և Վլադիմիր Պուտինի հետ, և հիմք կա տարածաշրջանի երկրների համագործակցության համար, հատկապես տնտեսական ոլորտում, և այդ համագործակցությունը կարող է հանգեցնել երկարաժամկետ խաղաղության և կայունության»:

Սակայն հաշվի առնելով կովկասյան տարածաշրջանում և արցախյան պատերազմից հետո տեղի ունեցած աշխարհաքաղաքական փոփոխությունները և Թուրքիայի ու Ռուսաստանի դերակատարության մեծացումը տարածաշրջանի տրանսպորտային նախագծերի ու ճանապարհների ապաշրջափակման, էներգակիրների գծերի տարանցման ու անվտանգության հետ կապված խնդիրներում, որից զգալիորեն դուրս է մնացել Իրանը, այժմ Թեհրանը փորձում է իր ներկայությունը հաստատել տարածաշրջանային տնտեսական և քաղաքական գործընթացներում:

– Այսինքն՝ այս քայլերով Իրանը փորձում է իր ներկայությո՞ւնն ապահովել տարածաշրջանում։

– Ըստ այդմ՝ Զարիֆի այցը, նկատի առնելով տարածաշրջանի երկրների միջև ճանապարհների ապաշրջափակման և նոր ճանապարհների կառուցման նախագծերը և կովկասյան տարածաշրջանի տնտեսական  կարողականությունները,  կարող է նոր էներգիա և դրդապատճառ հանդիսանալ հաղորդակցության ուղիների գործընթացը արագ տեմպով զարգացնելու և տարածաշրջանի առևտրական փոխանակումների համար՝ պայմանով, որ Իրանը և Հայաստանը խոսքից անցնեն գործի և ռեալ մոտեցում դրսևորեն երկկողմ ու բազմակողմ հարաբերություններում:

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});