Ինչո՞ւ ռազմագերիների հարցը չմտավ ԵԽԽՎ լիագումար նստաշրջանի օրակարգ։ Ինչպե՞ս կարող էր հայկական պատվիրակությունն այդպես անպատրաստ մեկնել Ստրասբուրգ։ ԱԳՆ-ից ով և ինչպես է համակարգել աշխատանքը ԵԽԽՎ-ում ԱԺ պատվիրակության հետ։ Թեմայի շուրջ «Առաջին լրատվական»-ը զրուցել է ԱԺ «Իմ քայլը» խմբակցության պատգամավոր, ԵԽԽՎ-ում Հայաստանի պատվիրակության ներկայացուցիչ Վլադիմիր Վարդանյանի հետ:
«ԵԽԽՎ-ում մեր բոլոր հանդիպումների առանցքում գերիների հարցն է: Այս հարցը շատ կարևոր է, և այն քննարկվել է ոչ միայն լիագումար նիստում, այլ նաև հանդիպումների ժամանակ: Կովիդով պայմանավորված՝ հնարավորություն չկար նախկինում անձնական հանդիպումներ ունենալ մեր միջազգային գործընկերների հետ: Մենք շարունակում ենք հետևողական լինել, բոլորը պետք է հասկանան, որ այլ ելք չկա՝ ռազմագերիները և պատանդները պետք է վերադարձվեն»,- ընդգծեց Վարդանյանը:
«Նախաձեռնել քննարկում, հարցը հասցնել լիագումար նիստերի դահլիճ, բարձրացնել այդ հարցը բոլոր քաղաքական խմբերում, որոնցում մենք ներկայացված ենք և հասցնել նրան, որ բոլոր քաղաքական խմբերը բարձրաձայնեն այդ հարցը, և սա դիտարկել որպես ձախողո՞ւմ: Գիտեք՝ քաղաքակնության մեջ մանիպուլյացիան լուրջ դերակատարություն ունի, բայց ոչ այսքան»,- նշեց ԵԽԽՎ-ում Հայաստանի պատվիրակության ներկայացուցիչը:
Մանրամասները՝ տեսանյութում:
