Թուրքիայի Բուրսա քաղաքի Ուլուդագ համալսարանի միկրոկենսաբանության ամբիոնի աշխատակիցները քթի խոռոչի սփրեյ են ստեղծել, որը, ինչպես ենթադրվում է, ընդամենը մեկ րոպեի ընթացքում կարող է ոչնչացնել կորոնավիրուսի վարակը, գրում է Daily Sabah պարբերականը:
Genoxyn անվանումով սփրեյը մշակվել է պրոֆեսոր Շեհիմե Գյուլսուն Թեմելի, դոկտոր Ահմեթ Յումիտ Սաբանջիի և Գյունեյթ Օզակինի կողմից:
Ըստ Սաբանջիի, համապատասխան ուսումնասիրություններն իրականացվել են դեռ համավարակի մեկնարկից առաջ: Նրա խոսքով, գիտնականների ուսումնասիրությունները ցույց են տվել, որ սփրեյն ի վիճակի է ոչնչացնել կորոնավիրուսը բերանի և քթի հյուսվածքներում, ինչը կանխում է վարակի տարածումը: Թեմելն ասում է, որ դեղը սպանում է COVID-19-ը մեկ րոպեի ընթացքում՝ առանց վնասելու լորձաթաղանթների էպիթելային բջիջները: