Ադրբեջանը գերիների դիմաց պահանջներ ունի․ ՄԽ առաջիկա հանդիպումը միտված է կարմիր գծեր սահմանելուն

ԵԱՀԿ Մինսկի խմբի ռուսաստանցի, ամերիկացի եւ ֆրանսիացի համանախագահներն այս շաբաթ հանդիպելու են Լեհաստանում:Այս մասին Մեդիամաքսը տեղեկացել է Վիեննայում ԵԱՀԿ քարտուղարության աղբյուրից: Խորհրդակցությունների ընթացքում միջնորդները քննարկելու են իրենց անելիքները հետպատերազմական շրջանում, ինչպես նաեւ առաջիկա այցը տարածաշրջան: ՀՀ, ՌԴ և Ադրբեջանի փոխվարչապետերի հանդիպումը կկայանա մոտ օրերս, հստակ ամսաթիվը և ժամը դեռ ճշտվում են։ Օրակարգում ընդգծված չէ որևէ կոնկրետ ուղղություն կամ ենթակառուցվածք, այն ենթադրում է տարածաշրջանային տրանսպորտային ապաշրջափակման հետ կապված տարբեր հարցերի քննարկում։ Հաղորդում են փոխվարչապետ Մհեր Գրիգորյանի գրասենյակից։ Թեմայի շուրջ «Առաջին լրատվական»-ը զրուցել է «Ռեգիոն» հետազոտական կենտրոնի ղեկավար Լաուրա Բաղդասարյանի հետ: