Իրանի արտգործնախարար Մոհամադ Ջավադ Զարիֆի տարածաշրջանային այցը մեկնարկել է Բաքվից, իրանցի արտգործնախարարը Երևան է ժամանելու հունվարի 27-ին: Արցախի վերջին պատերազմի ժամանակ Իրանը զբաղեցրեց բավականին պասիվ դիրքորոշում, միջնորդական առաքելություն ստանձնելու փորձեր արվեցին, որոնք չհաջողվեցին: Պաշտոնական Թեհրանը մշտապես աջակցել է Ադրբեջանի տարածքային ամբողջականությանը, նախօրեին էլ Զարիֆը Բաքվում շնորհավորել է Ալիևին «ձեռք բերած հաղթանակի» կապակցությամբ՝ ասելով, որ «ուրախ է տարածքների ազատագրմամբ»: Թեմայի շուրջ «Առաջին Լրատվական»-ը զրուցել է քաղաքական գիտությունների թեկնածու Մհեր Սահակյանի հետ:
Մեր զրուցակիցը կարծում է, որ պաշտոնական Երևանը պետք է Իրանի արտգործնախարարին հիշեցնի՝ հարևանների մեջ կողմնապահությունը լավ բանի չի հանգեցնի: «Կարիքը չկար շնորհավորելու, ի՞նչն ես շնորհավորում, այն, որ Ադրբեջանի նախագահը հարցը լուծեց ահաբեկիչների միջոցով, թե շնորհավորում ես նրան, որը պատերազմի ժամանակ ռմբակոծում էր խաղաղ բնակչությանը»: Սահակյանի խոսքով՝ պարտություններ լինում են բոլորի կյանքում, հայ ազգը սովոր է պարտությունից հետո ոտքի կանգնելուն: «Իրենք էլ են հին ազգ, մենք էլ ենք հին ազգ, սա իրենց հիշեցնել է պետք»:
Առավել մանրամասն՝ տեսանյութում: