Տարածաշրջանային մարտահրավերներ կան, աշխարհաքաղաքական փոփոխություններ են նախատեսվում, որոնք լուրջ ազդեցություն կթողնեն Հայաստանի վրա, պետք է կարողանանք դիմագրավել այդ մարտահրավերներին: Բարդ իրավիճակ է ստեղծվել Լեռնային Ղարաբաղի խնդրի շուրջ, բարդ անվտանգային իրավիճակ է ստեղծվել: Այս մասին «Առաջին լրատվական»-ի հետ զրույցում ասաց «Հայեր» մեդիահարթակի գլխավոր խմբագիր Արայիկ Մանուկյան՝ անդրադառնալով Հայաստանում ստեղծված հետպատերազմական իրավիճակին:
Նրա խոսքով՝ մեր երկիրը գտնվում է բարդ իրավիճակում, հասարակությունը դեպրեսիայի մեջ է: Իշխանությունը լեգիտիմության անկում է ունեցել, վստահության կորուստ ունի:
«Չունենք ընդդիմություն, չունենք քաղաքական ուժեր, ունենք նախկինների նախկիններ, որոնք փորձում են ռեինկարնացիա լինել՝ չունանելով ծրագիր, չկա խոսակցություն Հայաստանի ապագայի մասին: Շատ լուրջ քաղաքական ճգնաժամ է, և քաղաքական ճգնաժամը լուծելու փորձեր չեն արվում»,- նշեց Մանուկյանը՝ հավելելով, որ օր առաջ ելքեր պետք է գտնվեն և ելքեր գտնելու պատասխանատվությունը իշխանության դաշտում է: Նրա խոսքով՝ իշխանությունը պետք է քաղաքական կամք ունենար և հայտարարեր արտահերթ ընտրությունների օրը, մինչդեռ իշխանությունն իր ամբողջ ռեսուրսով խորացնում է հասարակության դեպրեսիան և փորձում է մանիպուլացնել նրան:
Մանուկյանի դիտարկմամբ՝ հասարակությունն այսօր ուզում է խոսել ապագայի մասին, բայց հետն այդ մասին խոսող չկա:
«Հայեր» մեդիահարթակի գլխավոր խմբագրի դիտարկմամբ՝ Նիկոլ Փաշինյանը լուծեց Ղարաբաղի խնդիրը, շատ վատ տարբերակով, աղետալի հետևանքներով, բայց լուծեց. «Ընդդիմությունը ձերբազատված է այդ խնդրին լուծում տալուց և շատ լավ ստարտային իրավիճակ է իշխանության վերադառնալու կամ իշխանությունը վերցնելու համար, պետք է գտնել պահը»:
Մանրամասն՝ տեսանյութում: