Monday, 08 03 2021
Հայկական դիվանագիտությունը հպարտ է հատկապես այն հանգամանքով, որ առաջին կին դեսպանը Դիանա Աբգարն է եղել. ՀՀ ԱԳՆ
Թուրքիան ԱՄՆ-ին զգուշացրել է, թե ռուսական C-400-ների պատճառով ճնշումը կարող է հանգեցնել հակահարվածի
16:30
Մեգան Մարքլը խոսել է սուիցիդալ մտքերի մասին
COVID-19-ը Վրաստանում. 147 նոր դեպք
16:10
Լևոն Տեր-Պետրոսյան. Արձանագրումներ պահի թելադրանքով
16:00
Սերբիայի վարչապետը հայտարարել է պետական հեղաշրջման փորձի մասին
Հայ կնոջ առաքելությունը ավելի շատ մարտիրոսությունն է, քան արարչագործությունը
Սիրելի՛ մայրեր, խոսքերը երբևէ չեն հերիքելու շնորհավորելու ձեզ ձեր որդիների փոխարեն. Արարատ Միրզոյան
Խոնարհումս այն հայ կանանց, որ իրենց որդիներից, ամուսիններից ու եղբայրներից մարտիության շնորհավորանք չեն ստանալու․ Սյունիքի մարզպետ
Օլիվիե Դասոն Հայաստանի և հայ ժողովրդի մեծ բարեկամն էր. նախագահ Սարգսյանը ցավակցել է Օլիվիե Դասոյի ընտանիքին
Իրանի հարցում Բայդենի ընտրությունն ու Հայաստանի անհրաժեշտությունը
Արամ Ա կաթողիկոսը նշում է ծննդյան 74-ամյակը
Արցախի Ազգային ժողովի նախագահն ուղերձ է հղել կանանց միամսյակի առթիվ
15:10
Արքայազն Հարին և Մեգան Մարքլը հայտնել են իրենց դեռ լույս աշխարհ չեկած երեխայի սեռը
Քոչարյանն ու Սերժ Սարգսյանը տանդեմ չեն, կա ժամանակավոր միություն՝ ընդդեմ վարչապետի, և ոչ ավելին
14:53
Արքայազն Հարին ու Մեգան Մարքլը պատմել են գաղտնի հարսանիքի մասին
14:44
ԳՇ պետի հարցով նախագահը պետք է կոշտ վերաբերվի ընդդիմության գործելաոճին
Ռուսաստանում հաստատվել է կորոնավիրուսի 10 հազար 253 նոր դեպք
14:20
SpaceX-ն ուղեծիր կարձակի 60 արբանյակներից բաղկացած Falcon 9 հրթիռ-կրիչը
14:10
Ֆինլանդիայում սահմանվել են խիստ կարանտինային միջոցառումներ
14:00
Ջեֆ Բեզոսի նախկին կինն ամուսնացել է ուսուցչի հետ
13:50
Նախորդ շաբաթ գերիների մեծ խումբ պետք է գար, ներքաղաքական զարգացումները դրան խոչընդոտեցին
13:49
Ֆրանկ Փալոնը Բայդենի վարչակազմի հետ խոսել է հայ գերիների հարցով
Ունենք դառը վիճակ․ հայտնվել ենք «Ճպուռի ու մրջյունի» առակի իրականության մեջ
Կանանց առավելագույն մասնակցության շնորհիվ մենք կկարողանանք հաղթահարել մեզ նետված մարտահրավերները. Հայկ Մարության
ԱՄՆ դեսպանատան և դեսպան Թրեյսիի շնորհավորանքները՝ Կանանց միջազգային օրվա առթիվ
13:20
ԱՄՆ-ում սպանվել է ռեփեր Չաքի Թրիլը
13:10
Հութիները հայտարարել են, որ ութ հրթիռ և 14 անօդաչու սարք են արձակել Սաուդյան Արաբիայի վրա
Դիլիջանի թունելում առաջացել է երթևեկության խոչընդոտ
12:50
Բայդենը կարող է Ճապոնիայի վարչապետի հետ հանդիպել ապրիլին․ Axios

Կադրային «ռեստարտը»՝ իշխանությունը պահելու վերջին փորձ. «Փաստ»

«Փաստ» թերթը գրում է. «Հանրության մեծամասնությունն այն կարծիքին է, որ պատերազմում կրած պարտությունից հետո Հայաստանի կառավարման համակարգում պետք է լինեն էական փոփոխություններ, իսկ դա նշանակում է իրեն չարդարացրած իշխանության հեռացում, քանի որ նրանք վաղուց ապացուցել են, որ ոչ մի օգտակար քայլի պիտանի չեն։ Բայց դրա փոխարեն Նիկոլ Փաշինյանը փորձում է տարբերակներ գտնել իր իշխանությունը երկարաձգելու և պահպանելու համար։ Եվ այդ քաղաքականության շրջանակներում է տեղավորվում, որ նա ձգտում է կառավարման համակարգում որոշակի փոփոխություններ անել կադրային տեղաշարժերի տեսքով։ Պատահական չէ, որ վերջերս Փաշինյանը հայտարարեց, թե պետական կառավարման համակարգը ռեստարտի անհրաժեշտություն ունի, որը պետք է սկսվի վարչապետի աշխատակազմից։

Սակայն հետաքրքրական է, որ կադրային նշանակումները ոչ թե բովանդակային փոփոխության տրամաբանության մեջ են տեղավորվում, այլ ավելի շատ, շախմատային լեզվով ասած, նման են «ռակիրովկաների»։ Բայց… շաշկի խաղացողի ձեռամբ: Այսպես, օրինակ՝ առողջապահական համակարգում համավարակի դեմ պայքարը ձախողած Արսեն Թորոսյանը նշանակվեց վարչապետի աշխատակազմի ղեկավար, իսկ նրա փոխարեն առողջապահության նախարար նշանակվեց Թորոսյանի տեղակալը՝ մասնագիտությամբ իրավաբան Անահիտ Ավանեսյանը։ Եթե Թորոսյանին ազատելու էր այդ պաշտոնից, ապա չկա՞ր առողջապահական ոլորտից գլուխ հանող այլ մասնագետ, որին կարող էր նշանակել։ Բայց խնդիրը միայն առողջապահական համակարգով չի սկսվում և ավարտում։

Եվ այս տեսանկյունից առանցքային կարևորություն ունեն արտաքին քաղաքական գերատեսչության շրջանակում տեղի ունեցող տեղաշարժերը։ Բոլորիս համար էլ հասկանալի է, որ ծանր պարտությունից հետո Հայաստանի շուրջ այնպիսի աշխարհաքաղաքական դասավորություն է ստեղծվել, որ պետք է էականորեն հզորացնել մեր դիվանագիտական ապարատն ու զարկ տալ արտաքին քաղաքականությանը։

Իսկ դա ենթադրում է, որ անհրաժեշտ է պրոֆեսիոնալ դիվանագետների ունեցած որակները ի սպաս դնել արտաքին քաղաքականության համար։ Փաշինյանն էլ իր կառավարման ընթացքում միշտ ընդգծում էր դեսպանների պաշտոնում կադրային դիվանագետների նշանակման կարևորությունը։ Վերջինս մասնավորապես հայտարարում էր, որ Հայաստանի դեսպանները իրենց հավատարմագրված երկրներում պետք է ներկայանան ոչ թե որպես փոքր քաղաքական խմբակի կամ իշխող էլիտայի, կամ նույնիսկ անգամ փոքր պետության, այլ որպես համահայկական ներկայացուցիչ։

Իսկ դիվանագիտական աշխատանքի փորձ չունեցող Ռուբեն Ռուբինյանը, որ քաղաքական որոշման արդյունքում հասցրեց որոշ ժամանակ փոխարտգործնախարարի պաշտոնում աշխատել, իր հարցազրույցներում նշում էր, որ չպետք է Հայաստանը նշանակի դեսպաններ մարդկանց թոշակի ուղարկելու կամ մարդկանց հաճելի երկիր ուղարկելու, կամ բիզնես անելու համար։ Բայց սրա հետ մեկտեղ ժամանակ առ ժամանակ շրջանառության մեջ են դրվում իշխանության մեջ Փաշինյանի մերձավորների՝ այս կամ այն երկրում դեսպանի պաշտոնում նշանակվելու մասին տեղեկությունները, որոնց մասին պարբերաբար նաև մենք ենք հայտնել։

Այսպես, օրինակ՝ խոսվում է Փաշինյանի նախկին խոսնակ, ԼՏՊ-ական Վլադիմիր Կարապետյանին, սորոսական, ԱԽՔ Արմեն Գրիգորյանին դեսպաններ նշանակելու հնարավորության մասին և այսպես շարունակ։ Նախօրեին էլ ԱԺ «Իմ քայլը» խմբակցության ղեկավար Լիլիթ Մակունցը հաստատեց, որ իր՝ ԱՄՆ-ում ՀՀ դեսպան նշանակվելու վերաբերյալ հարցն օրակարգում է։ Տպավորություն է, թե սրանով Մակունցին թոշակի են ուղարկում ԱՄՆ, քանի որ վերջինս դիվանագիտական աշխատանքի համապատասխան գիտելիքներ և փորձ չունի, իսկ նրա կողմից հիշատակվող խորհրդարանական դիվանագիտության մասին խոսելն ուղղակի ծիծաղելի է։

ԱՄՆ-ն աշխարհում, այդ թվում՝ մեր տարածաշրջանում ահռելի դերակատարություն ունեցող երկիր է, որի կառավարության հետ Հայաստանի ներկայիս իշխանություններին այդպես էլ չհաջողվեց աշխատելու համապատասխան օրակարգ և միջավայր ձևավորել։ Իսկ հիմա ԱՄՆ-ի նոր վարչակազմը՝ նախագահ Բայդենի գլխավորությամբ, արտաքին քաղաքականության մեջ էական վերաձևակերպումներ է կատարում, և հարց է՝ համապատասխան մասնագիտական ունակություններ չունեցող Մակունցն ընդունա՞կ է աշխատել նոր վարչակազմի հետ, թե՞ վերջինիս ընդամենը ուղարկում են արտերկրյա վոյաժների կամ, ինչպես ընդդիմադիրներն են պնդում, նրան ուղղակի փախցնում են երկրից:

Ինչպես տեսնում ենք, իր խոստումներին հակառակ՝ Փաշինյանը կազմաքանդում է նաև պետական կառավարման արտաքին քաղաքական կոմպոնենտը։ Թերևս պաշտոնների նշանակելով կամ պաշտոններ խոստանալով՝ Փաշինյանը փորձում է սիրաշահել իր թիմակիցներին, որպեսզի նրանք իշխանության համար այս դժվար պահին երես չթեքեն իրենից։ Կա նաև հարցի մյուս կողմը. այսպիսով՝ Փաշինյանը ձգտում է ժամանակ շահել ու հանրության ուշադրությունը բուն պարտությունից շեղել նշանակվող անձերի շուրջ ընթացող քննարկումների դաշտ»:

Առավել մանրամասն՝ թերթի այսօրվա համարում:

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});